Üş jyl būryn Qostanai qalasynda «Qonai» degen ataumen jaŋa şaǧyn audannyŋ qūrylysy bastalǧan edı. Sodan berı bügınge deiın 5 qabatty 19 üi salynǧan. Alaida üidıŋ jaǧdaiy mäz emes. Äleumettık jelılerde jaŋa salynǧan, bıraq paidalanuǧa berılmegen päterdıŋ suretterı tarap kettı, dep habardaidy “Adyrna” ūlttyq portaly.
Suretterde bölmenıŋ qaq ortasynda edennen töbege deiın mūz qatyp tūr.
Qostanai äkımdıgı osy jaǧdaidy tüsındırdı.
"Qonai şaǧyn audanyndaǧy 21 oram № 2, 3 üilerınıŋ qūrylysyn "Maral Qūrylys" JŞS merdıger ūiymy salyp jatyr. Qazan aiynda būl ūiymmen şart būzyldy, sebebı olar öz mındetterın oryndamady, memlekettık satyp aluda jauapsyz qatysuşy dep tanyldy. Jasalǧan şartqa säikes, qūrylysty aiaqtau üşın jaŋa merdıger ūiymdy anyqtau kezeŋınde üidı "Nūr Saqşy" küzet firmasy küzetıp jatyr. Üidı tekseru kezınde jylu tek jertölede qosylǧany anyqtaldy. Jylytu jüiesındegı Maevsk kranynan su aqqan", - dedı äkımdıkten.
Anyqtalǧandai, qalalyq qūrylys bölımı 13 jeltoqsanda osy jūmystardy aiaqtaidy.
"Osy oqiǧa turaly uaqtyly habarlamaǧan küzet ūiymyna tiıstı hat joldandy. Qazırgı uaqytta atalǧan üilerdıŋ qūrylysy boiynşa jūmystardy aiaqtauǧa memlekettık satyp alu jariialandy, merdıger ūiym anyqtalǧannan keiın tūrǧyndardy qonystandyrǧanǧa deiıngı barlyq aqaular joiylady", - dep atap öttı qalalyq äkımdıkte.
