Ulttyq qaýipsizdik komıtetiniń eks-tóraǵasy Kárim Másimovtiń Astanada aýkıonǵa shyǵarylǵan záýlim úıi 1,8 mlrd teńgege ótpeı qaldy, dep habarlaıdy “Adyrna” ulttyq portaly.
Úıdiń bastapqy baǵasy: 1 883 338 958 teńge boldy. Kepildik jarnasy: 117 960 000 teńge bolǵan. Alaıda aýkıon ótken sátte birde-bir adam úıdi alýǵa nıet bildirip, ótinish qaldyrmaǵan.
Záýlim úı Astana qalasy Nura aýdany Qaraótkel shaǵyn aýdany Ereımentaý kóshesi, 1-qurylys mekenjaıynda ornalasqan. Al aýkıonǵa osydan 15 kún buryn qoıylǵan.
- Saýda nómiri: 338261
- Nysan: Jertólesi bar turǵyn úı
- Bastapqy baǵasy: 1 883 338 958,00 teńge
- Kepildik jarna: 117 960 000,00 teńge
- Format: Baǵany kóterý aýkıony
“Saýda bastalatyn kún men ýaqyt: 2025 jylǵy 25 aqpan, saǵat 10:00”, delingen.
Eske salaıyq, UQK burynǵy tóraǵasy Kárim Másimov 2022 jyly qańtar oqıǵasynan keıin ustaldy. Qylmystyq is boıynsha sot jabyq ótti. Sot úkimimen Másimov memleketke opasyzdyq jasaǵany úshin 18 jylǵa bas bostandyǵynan aıyryldy.
