Astana qalasyndaǧy №58 mekteptıŋ direktory, jelı qoldanuşylary arasynda keŋınen tanymal bolǧan Aqmonşaq Nūrtaza Instagram paraqşasynda kütpegen jazba jariialady, dep habarlaidy "Adyrna" ūlttyq portaly.
Ol jelıdegı jazbasynda:
“Bärın toqtattym. Mektep, qyzmet, äleumettık jelı. Kelesı qadam belgısız", – delıngen.
Būl jaŋalyq äleumettık jelıde bırden qyzu talqylanyp, türlı pıkırler paida boldy. Qoldauşylardyŋ köbı ony ūstaz retınde baǧalap, ketpeuın ötınıp jatsa, endı bırı bolaşaqta jaŋa qadam kütetının meŋzedı.
"Deputat bolasyz au", "Sızdı keremet direktor dep jür edık", "Kurs satyp, infosyǧan bolyp ketpeŋız", "Direktor bolǧan soŋ balalarǧa qarap jüru kerek qoi, än aitpai", "Sız balalarǧa kereksız, direktorlyqtan ketpeŋız" degen sekıldı pıkırler jelıde jiı kezdesedı.
Äzırge Aqmonşaq Nūrtaza jazbaǧa qatysty eşqandai pıkır bıldırmedı.
Aita keteiık, Aqmonşaq Nūrtaza būǧan deiın de jūrtşylyq nazaryn özıne audarǧan. Ol 11-synypty tämamdaǧan tülekterımen bırge Dimaş Qūdaibergennıŋ oryndauyndaǧy "Tau ışınde" änıne arnalǧan chellendj jasap, onyŋ videosy Instagram-da 3,1 million qaralym jinaǧan.
Būl video Almatyda ötken Dimaştyŋ konsertınde sahnadan körsetılıp, änşınıŋ anasy Svetlana Aitbaeva direktorǧa konsertke arnaiy bilet syilaǧan bolatyn.
