Astanadaǧy ftiziopulmonologiia ortalyǧyna jedel järdemmen jetkızılgen 43 jastaǧy Ruslan Ryşqov qabyldau bölımınde därıgerlerdıŋ qarauynsyz jatyp, köz jūmǧan. Būl turaly 31 arna jariialady, dep habarlaidy “Adyrna” ūlttyq portaly.
Marqūmnyŋ äielınıŋ aituynşa, därıgerler densaulyǧynda kınärat joq degen soŋ ol 6 saǧat boiy qarausyz jatqan.
Oqiǧa 20 aqpanda bolǧan. 8 jyldan berı demıkpemen auyratyn nauqastyŋ būl jolǧy jaǧdaiy asa auyr bolǧanmen qabyldau bölımındegı mamandar ony auruhanaǧa jatqyzudan bas tartypty. Sol üşın marqūmnyŋ äielı Aizada Qūlmūratova ısıne salǧyrt qaraǧan därıgerlerdı sotqa bermek.
“Eger saǧan menıŋ telefonymdy syndyryp berse, sen senbe dedı. Men öleiın dep jatyrmyn, mynalar menı qarap jatqan joq dedı. Ol jalǧyz özı taŋǧa deiın qabyldau bölımınde qinalyp jatqan. Taŋǧy saǧat 7:30-da medbike taǧy qoŋyrau şaldy. «Küieuıŋızdı alyp ketesız be, joq pa?» dedı”, – deidı şarasyz äiel.Onyŋ aituynşa, bastapqyda küieuınıŋ densaulyǧynda kınärat joq degen därıgerler 2 saǧattan soŋ qaita qoŋyrau şalyp, onyŋ qaitys bolǧanyn jetkızgen. Ölımge trombtyŋ jaryluy sebep bolǧan deptı. Al Astana qalalyq ftiziopulmonologiia ortalyǧynyŋ bas därıgerı Anna Sepke qūpiia jaǧdaida köz jūmǧan nauqasqa qatysty tolyqqandy mälımet bere almaǧan. Tılşılerge «tek marqūmnyŋ äielı qūzyrly organdarǧa şaǧymdanǧan jaǧdaida resmi jauap bolady» dep qysqa qaiyrypty jauabyn.
Ūqsas jaŋalyqtar
