ۇلتتىق قاۋىپسىزدىك كوميتەتىنىڭ ەكس-توراعاسى كارىم ءماسىموۆتىڭ استانادا اۋكتسيونعا شىعارىلعان ءزاۋلىم ءۇيى 1,8 ملرد تەڭگەگە وتپەي قالدى، دەپ حابارلايدى “ادىرنا” ۇلتتىق پورتالى.
ءۇيدىڭ باستاپقى باعاسى: 1 883 338 958 تەڭگە بولدى. كەپىلدىك جارناسى: 117 960 000 تەڭگە بولعان. الايدا اۋكتسيون وتكەن ساتتە بىردە-ءبىر ادام ءۇيدى الۋعا نيەت ءبىلدىرىپ، ءوتىنىش قالدىرماعان.
ءزاۋلىم ءۇي استانا قالاسى نۇرا اۋدانى قاراوتكەل شاعىن اۋدانى ەرەيمەنتاۋ كوشەسى، 1-قۇرىلىس مەكەنجايىندا ورنالاسقان. ال اۋكتسيونعا وسىدان 15 كۇن بۇرىن قويىلعان.
- ساۋدا ءنومىرى: 338261
- نىسان: جەرتولەسى بار تۇرعىن ءۇي
- باستاپقى باعاسى: 1 883 338 958,00 تەڭگە
- كەپىلدىك جارنا: 117 960 000,00 تەڭگە
- فورمات: باعانى كوتەرۋ اۋكتسيونى
“ساۋدا باستالاتىن كۇن مەن ۋاقىت: 2025 جىلعى 25 اقپان، ساعات 10:00”، دەلىنگەن.
ەسكە سالايىق، ۇقك بۇرىنعى توراعاسى كارىم ءماسىموۆ 2022 جىلى قاڭتار وقيعاسىنان كەيىن ۇستالدى. قىلمىستىق ءىس بويىنشا سوت جابىق ءوتتى. سوت ۇكىمىمەن ءماسىموۆ مەملەكەتكە وپاسىزدىق جاساعانى ءۇشىن 18 جىلعا باس بوستاندىعىنان ايىرىلدى.
