"Qazaqtarǵa "naıst, fashıssińder" degen Dınara kafesi áli dórekilik kórsetip jatyr" - Bella Orynbetova

3893
Adyrna.kz Telegram

Almaty qalasynda oralasqan "Dınara" kafesine qatysty shý shyqqany belgili. Keıin qazaqsha mázir suraǵandarǵa "naıst, fashıstsiń" degen qyzmetker mıyǵynan kúlip otyryp, keshirim suraǵan boldy. Shyndyǵynda, keshirim suramapty. Qazaqtarǵa dórekilik áli jalǵasyp jatyr. Bul jaıdy jýrnalıst Bella Orynbetova keńinen jazdy. Avtordyń aıtýynsha, kafege barǵan qazaqtarǵa dórekilik áli kórsetilip jatyr, dep habarlaıdy "Adyrna" ulttyq portaly. 

Jýrnalıst Bella Orynbetova qazaq tiliniń qysym kórgenine qatysty keńinen jazdy:
- Jaǵdaıdyń qalaı bolǵanyn qysqasha aıtyp óteıin...  Aigerim Kussaiynkyzy, Kamila Muller, Aınur Sadyrbaı jáne taǵy birneshe adam Dınara kafesine barady. Qazaqsha mázir suraǵany úshin admınıstratory fashıster, naıster, ketińder áıtpese qazir polıııa shaqyramyn dep qorqytady. Sóıtip birneshe mınýttan soń qarý asynǵan kúzet qyzmeti (GBR jeke kúzet qyzmeti) keledi. Kafe ákimshiligi bir top adam shý shyǵaryp, mańyzdy, qadirli qonaqtardyń shyrqyn buzdy degen eken. Kafe qyzmetkerleriniń bul áreketi Áıgerimderdi odan ári ashýlandyrady. Olar ózderiniń tutynýshy, Qazaqstan Azamaty quqyǵynyń buzylǵanyna baılanysty Almaly aýdanynyń ýchaskelik polıııasyn shaqyrady. Polıııa kelgen soń QR Qylmystyq Kodeksiniń 174-babyndaǵy áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý faktisi boıynsha aryz jazyp, qylmystyq is qozǵaıyn suraıdy.
Degenmen qazaq tiline kúl shashyp jatqanda quqyq qorǵaý organdaǵy "qaǵanaǵy qaryq, saǵanaǵy saryq" bolyp otyra beredi. Jýrnalıst buǵan qatysty bulaı deıdi:
- Alaıda keıin 6 kúni polıııa departamentinen hat kelip, qylmystyq is qozǵaýǵa negiz joq deıdi. Iaǵnı polıııa "fashıst, naıst" sózderinen esh qorlyq kórmegen, qylmystyq quram joq dep tanyǵan. 6 aqpan kúni Aınur Sadyrbaeva QR Qylmystyq kodeksiniń 145-baby adamnyń jáne azamattyń teń quqyqtylyǵyn buzý boıynsha taǵy da polıııa departamentine aryz jazady. Jaýap kóp kúttirmeıdi. Taǵy da qylmystyq is qozǵaýǵa negiz joq.
Qazaq tilinde qyzmet kórsetýin suraǵan belsendilerge, qylmystyq emes, ákimshilik is boıynsha shaǵym jaza alasyzdar degen eken polıııa departamentinde. Qazaq tilinde qyzmet kórsetpegen, konstıtýııalyq quqyn talap etkenderdi fashıst dep qorlaǵandar nege jazasyz qalýy kerek? Oqıǵa bolǵan kúni 2GIS –te elýden astam adam Dınara kafesine qatysty negatıv pikirin jazdy, tipti kórshi ústelde otyrǵan orys kelinshek te jaǵdaıdy óz kózimen kórip, adamdardy dıskrımınaııalaıtyn kafege endi kelmeımin pikir qaldyrǵan eken. 2GIS moderatorlary typ-tıpyl etipti. Bul jaǵdaıda qoǵamdaǵy ádilet, tártip, zańnyń kepili bolatyn organdar miz baqpasa, qoǵam bolyp bul jaǵdaıdyń qaıtalanbaýyna yqpal etýimiz kerek.
Sóz sońynda avtor búgingi "Dınaranyń" keshegi "Dınara" kafesiniń ustanymynan synyq súıem alǵa baspaǵanyn, qazaqqa dórekilik tanytýyn jalǵastyryp jatqanyn jazady. Keshirim suraǵanyn kózboıaýshy jalǵandyqqa balap:
- Oqıǵa bolǵan soń kafe admınıstratorynyń keshirim suraǵan vıdeosy (kimnen suraǵany belgisiz, kafeniń qurmetti qonaqtary ma, álde ózi balaǵattaǵan adamdardan ba túsiniksiz) tarady. Alaıda "Dınara" kafesine baryp jatqan tanystarymyz qazaqsha mázirdiń áli joq ekenin, qazaqsha mázir suraǵanda qyzmetkerler dóreki jaýap berip jatqanyn aıtady, - dedi Bella Orynbetova.
"Adyrna" ulttyq portaly 
Pikirler