Almaty qalasynda 12 jastaǧy oquşyǧa jasalǧan şabuylǧa bailanysty tekseru jūmystary jürgızılıp jatyr, dep habarlaidy "Adyrna" ūlttyq portaly.
Balalar ombudsmenı Dinara Zäkievanıŋ mälımetınşe, bala aman, oǧan medisinalyq kömek qajet bolmaǧan. Otbasyna psihologiialyq qoldau ūsynylǧan. Qazır küdıktını ızdestıru jūmystary jalǧasuda.
Oqiǧa män-jaiyna säikes, belgısız er adam qolynda pyşaqpen balanyŋ janyna kelıp, onyŋ arqasyndaǧy gitarasyn tartyp almaq bolǧan. Bala aiqailaǧannan keiın jaqyn maŋdaǧy düken satuşysy syrtqa şyqqan. Osydan soŋ küdıktı gitarany tastap, oqiǧa ornynan qaşyp ketken.
Jasöspırımnıŋ anasy bastapqyda polisiiaǧa jügınbegenın, sebebı beinejazbada küdıktınıŋ bet-jüzı anyq körınbeitının aitqan. Sonymen qatar ol balalar qauıpsızdıgıne alaŋdauşylyq bıldırıp, şabuyldyŋ keşkı uaqytta, adam köp jerde bolǧanyn atap öttı.
