Eks-prezıdent Nursultan Nazarbaevtyń «Baıtaý» qoryna qaraıtyn Úshqońyr rezıdenııasynyń aınalasyndaǵy kemi 9 myń gektar jer memlekettik «Qaıtarylǵan aktıvterdi basqarý kompanııasy» balansyna ótken. Bul aqparat Biryńǵaı memlekettik jyljymaıtyn múlik kadastrynda kórsetilgen, dep habarlaıdy “Adyrna” ulttyq portaly “Azattyq radıosyna” silteme jasap.
Aqparatqa sáıkes, Almaty oblysy Qarasaı aýdany Shamalǵan aýylyna qarasty úsh jer telimi (kadastr nómirleri 03047152017, 03047542042, 03047542029) 2023 jyly Qaırat Satybaldydan Nursultan Nazarbaevqa berilgen rezıdenııany aınala qorshap jatyr. Bul Úshqońyr jaılaýynda Bolat Nazarbaev jeke kompanııalary arqyly ıemdengen aýmaǵy eń úlken jerler. Jalpy kólemi 9 myń gektardan asady.
Bul jer ýchaskeleri 2022 jyly Bolat Nazarbaevtyń Prime Capital Holding degen kompanııasyna tıesili kásiporyndardyń menshiginde bolǵan. Qazir bul kompanııa Bolat Nazarbaevtyń uly Nurbol Nazarbaevqa qaraıdy.
Basylymnyń málimetinshe, jer telimderi memleketke qashan qaıtarylǵany beımálim. Bul jóninde jarııa habarlanǵan joq. «Qaıtarylǵan aktıvterdi basqarý kompanııasynyń» Azattyqqa bergen jaýabyna qaraǵanda, qaıtarylǵan jerlerdiń burynǵy ıesi týraly málimet «qupııa» saqtalady.
«Zańsyz ıemdenilgen aktıvterdi memleketke qaıtarý týraly» zań men qarjy mınıstrliginiń aktıvterdi basqarý tártibi boıynsha, kompanııa qaıtarylǵan aktıvter ıesiniń jeke málimetterin qupııa saqtaıdy», – dep jazylǵan kompanııanyń jazbasha jaýabynda.
Aýmaqtyq bóliniske sáıkes, Shamalǵan aýyldyq okrýgine qaraıtyn Úshqońyr jaılaýynda Nazarbaevtar áýletiniń jeke ıeligende jáne ýaqytsha paıdalaný quqyǵynda budan basqa da kólemi kishirek ýchaskeler bolǵan. Kadastr bazasyna sáıkes, ol jyljymaıtyn múlikter de ishinara memleketke ótken. Solardyń úlkenin (kadastr nómiri: 030471635684) «Qaıtarylǵan aktıvterdi basqarý kompanııasy» 20 aqpanda 127 mln teńgege satýǵa shyǵardy. Ýchaske aýmaǵy 142 gektardan asady.
Derekkózge súıensek, Úshqońyr jaılaýyndaǵy rezıdenııa men ǵımarat ornalasqan shaǵyn jer ýchaskesi burynǵy prezıdent Nursultan Nazarbaevtyń ıeliginde qalyp otyr. Eks-prezıdent bul jyljymaıtyn múlikti «Baıtaý» qory men «Smart investments» JShS arqyly menshiktep otyr.
