Bolat Nazarbaev zańsyz alǵan jerler memleketke qaıtaryldy. Bul týraly AMANAT partııasy janyndaǵy vemlekettik basqarýdy damytý jáne sybaılas jemqorlyqqa qarsy kúres jónindegi respýblıkalyq qoǵamdyq keńestiń tóraǵasy Erlan Saıyrov aıtty, dep habarlaıdy “Adyrna” ulttyq portaly.
Partııanyń saıty qazir Bolat Nazarbaevtyń enshiles kompanııalaryna tıesili Mańǵystaý oblysyndaǵy 239 myń gektar, Jambyl oblysyndaǵy 60 myń gektar jerdiń memleket menshigine qaıtarylǵanyn habarlady.
Buǵan deıin Bas prokýratýramen birlesip, aýmaǵy 244 gektar bolatyn 59 jer ýchaskesi anyqtalǵan edi. Olardyń da menshik ıesi Bolat Nazarbaev bolyp shyqqan.
Málimetterdi rastaý úshin Tengrinews.kz tilshisi Erlan Saıyrovtyń ózine habarlasyp kórgen.
“Bizge Almaty oblysyndaǵy bir top adamnan zańsyz áreketter týraly aryz tústi. Bas prokýratýraǵa Almaty, Talǵar, Astana, Qaskeleń jáne Túrkistan oblysyndaǵy 244 gektar jer boıynsha saýal joldadyq. Qazir Bas prokýratýra ókilderi bul jerlerdiń kópshiligi zańsyz berilgenin anyqtady. Bas prokýratýra bul jerlerdi memleketke qaıtarý úshin is-qımyl júrgizip jatyr”, - dep túsindirdi ol.
Sonymen qatar, Erlan Saıyrov ol jerlerdi memleket menshigine qaıtarý týraly dabyl túskenine 6 aı ótkenin aıtty.
