Senat deputattary ūlttyq zaŋnamaǧa qauıpsızdıktı qamtamasyz etu jäne arnauly memorgandaryndaǧy qyzmet mäselesı boiynşa özgerıs engızudı közdeitın zaŋdy ekı oqylymda talqylap jatyr. Būl turaly Senat töraǧasy Mäulen Äşımbaev memlekettık qorǧanys käsıporyndaryn jekeşelendıru jönınde pıkır bıldırdı, dep habarlaidy “Adyrna” ūlttyq portaly.
Zaŋ jobasynda qorǧanys-önerkäsıp keşenındegı strategiialyq obektıler tızbesın qalyptastyru, memleket menşıgındegı käsıporyndardy «altyn aksiia» ülesı saqtalǧan jaǧdaida jekeşelendıruge rūqsat etu normalary ūsynylǧan.
Palata töraǧasy Mäulen Äşımbaev atalmyş zaŋdaǧy qūjattyŋ osy bölıgıne pıkır bıldırdı.
«Jalpy memlekettık qorǧanys käsıporyndarynyŋ jaǧdaiyna bailanysty bıraz sūraqtar bar. Bızde «Qazinjiniring» degen kompaniia jūmys ıstep jatyr. Ony bärımız bılemız. Bır onşaqty zauyty bar. Bıraq solardyŋ memlekettık organdar tarapynan tapsyrys alu mäselesınde köptegen tüitkılder bar ekenı jasyryn emes. Būlar - memlekettıŋ qorǧanys äleuetıne üles qosyp jürgen käsıporyndar. Bızge olardy qoldaudyŋ bır qalybyn, formatyn tabu kerek. Eger memleketke ondai käsıporyndar kerek bolmasa, «bızge ol kerek emes, şetelden satyp alamyz» dep aşyq aitu kerek. Oǧan jetkızuge bolmaidy ǧoi. Özımızde qorǧanys käsıporyndary boluy kerek. Būl — ūlttyq qauıpsızdık mäselesı. Bız olar memlekettıŋ menşıgınde boluy kerek dep sanaimyz. Sol sebeptı osyndai käsıporyndardy qoldaudyŋ bır jüielı tetıkterı kerek ekenı anyq. Sızderge osy mäselenı bızdıŋ halyqaralyq ıster, qorǧanys jäne qauıpsızdık komitetımen bırge pysyqtap, zaŋ aiasynda qandai mümkındıkter bar ekenın anyqtau kerek dep esepteimız. Zaŋǧa memlekettık käsıporyndardy qoldau baǧytynda özgerıs engızu kerek bolsa, ol jaǧyn deputattarmen qarastyruǧa daiynbyz. Bıraq sızderden naqty pozisiia, ūstanym kerek. Eger bızdıŋ ūstanymymyz bolmasa, ol käsıporyndar özımen-özı jüretın bolsa, memlekettık tapsyrys özımen-özı qalyptasyp jatatyn bolsa, jüielı jūmys bolmaityny anyq. Sol sebeptı osy baǧyttaǧy jūmysty jaŋa deŋgeige şyǧarasyzdar dep senemız. Bız bırge jūmys ısteuge daiynbyz», — dedı Mäulen Äşımbaev.
Ūqsas jaŋalyqtar
