Aqmola oblysynda Jer resurstaryn basqaru departamentınıŋ Burabai kurortyndaǧy bedeldı jer telımderı üşın sottasyp jatqany aityldy. Olardyŋ arasynda Nazarbaevtar äuletıne tiesılı jerler de bar, dep habarlaidy "Adyrna" ūlttyq portaly QazTAG agen tıgıne sılteme jasap.
Qaŋtar aiynda departament «KİK-Astana» JŞS-ıne jäne marqūm Bolat Nazarbaevqa, sonymen qatar onyŋ balalary Nūrbol, Hanbol, Hantöre jäne Albina Nazarbaevtarǧa qatysty talap aryz tüsırgen.
Alaida säuırde talap aryz kerı qaitarylyp, odan keiın kompaniia men Nazarbaevtarǧa qatysty şaǧymdar berılmegen.
Eske sala keteiık, 2024 jyly Aqmola oblysynyŋ prokuraturasy 2012 jyly oblystyŋ sol kezdegı äkımı, qazırgı taŋda tergeude jürgen Qairat Qojamjarov qabyldaǧan qaulyǧa qarsy oblys äkımdıgıne narazylyq engızgen. Ol qaulyda «Burabai» memlekettık ūlttyq tabiǧi parkıne (MŪTP) tiesılı jerlerdı alyp, olardy Şuchinsk qalasyna qosu qarastyrylǧan edı.
Prokuratura narazylyǧy qanaǧattandyrylyp, qaulynyŋ küşı joiylǧannan keiın departament jerlerdı beru jäne satu-satyp alu mämılelerın jaramsyz dep tanu üşın sotqa talap aryzdar bere bastaǧan.
