Almatyda oqýshy bala eresek nemere aǵasyn aıyptady. Jábirlenýshi aǵasynyń jynystyq zorlyq jasaǵanyn málimdegen, dep habarlaıdy "Adyrna" ulttyq portaly.
Bul aqparat áleýmettik jelide taraǵan.
Belgili quqyq qorǵaýshy Aıman Omarova oqýshynyń jaǵdaıy týraly alǵashqylardyń biri bolyp habarlaǵan. Jábirlenýshi 19 aqpanda kómek suraǵan.
«Uldy ákesi qaıtys bolǵannan keıin ákesiniń aǵasy tárbıeleý úshin anasynan surap alyp ketken. Boljam boıynsha, áıel úsh balanyń anasy. Ol uldy jáne onyń 2 ápkesin túgel asyraýǵa shamasy jetpegen. Bala 11 jasta bolǵanda aǵasynyń uly oǵan jynystyq zorlyq-zombylyq jasaı bastapty. Bul shamamen úsh jylǵa sozylǵan. Bala bul týraly eshkimge aıtpaǵan. Alaıda ul bala shydaı almaı, ápkesine qashyp ketip, bar jaǵdaıdy baıandap bergen», - deıdi quqyq qorǵaýshy Aıman Omarova.
Ápkesi inisimen birge polıııaǵa aryz jazý úshin barǵanymen, aryz qabyldanbaǵan. Jábirlenýshiler polıııaǵa aǵasynyń týystary kelip, qysym kórsetkenin de málimdedi.
Polıııa departamenti aqparatqa túsinikteme berdi.
«Bıylǵy jyldyń 19 aqpanynda Jetisý aýdanynyń polıııa bólimine inisine qatysty seksýaldyq sıpattaǵy zorlyq-zombylyq faktisi boıynsha Almaty oblysynyń turǵyny ótinish bildirdi. Osy fakti boıynsha qylmystyq is qozǵaldy. Jasóspirimniń týysy polıııaǵa jetkizildi. Tergeý amaldary júrgizilýde», dep habarlady vedomstvo.
Polıııa sotqa deıingi tergeý aıasynda sot-medıınalyq saraptama taǵaıyndalǵanyn aıtty.
