Astanada er adamnyŋ mas küide avtobus aialdamasynyŋ şynysyn teuıp syndyrǧany beinebaqylauǧa tüsırılgen, dep habarlaidy "Adyrna" ūlttyq portaly.
Qūqyq būzuşyny polisiia qyzmetkerlerı jedel türde ūstap, qamauǧa aldy.
Oqiǧa Kenesary köşesınde keşkı uaqytta bolǧan. Belgısız azamat aialdama pavilonynyŋ şyny qūrylymyn teuıp, oqiǧa ornynan boi tasalaǧan. Jedel-ızdestıru şaralary barysynda polisiia küdıktını anyqtap, ūstady.
Polisiia mälımetınşe, 33 jastaǧy elorda tūrǧyny mas küide qoǧamdyq mülıktı qasaqana büldırgen.
«Bögde mülıktı qasaqana joiu nemese büldıru deregı boiynşa äkımşılık ıs qozǧaldy. Sot şeşımımen qūqyq būzuşy 20 täulıkke äkımşılık qamauǧa alyndy», – delıngen habarlamada.
Polisiia qala tūrǧyndaryn qoǧamdyq mülıkke ūqypty qarauǧa şaqyryp, mūndai äreketter qalanyŋ kelbetıne nūqsan keltırıp, barşa azamattarǧa ziian keltıretının eskerttı.
