Saýd Arabııasy flagmandyq arab munaıynyń Azııaǵa resmı satý baǵasyn (OSP) kóterdi, keıin munaı baǵasy kóterildi, dep habarlaıdy “Adyrna” ulttyq portaly Reuters agenttigine silteme jasap.
Dúısenbi kúngi erte saýdada Brent markaly munaıdyń fıýchersteri barreline 121,52 dollarǵa deıin kóterildi. Ósim 1,5%-dy qurady. West Texas Intermediate (WTI) munaıynyń fıýchersteri úsh aıdaǵy eń joǵary deńgeıge jetkennen keıin 1,4 paıyzǵa qymbattap, barreline 120,50 dollardy qurady.
Saýd Arabııasy óziniń flagmandyq arab munaıynyń Azııaǵa resmı satý baǵasyn (OSP) Oman men Dýbaıdyń ortasha kórsetkishterimen salystyrǵanda 6,50 dollarǵa ósirdi. Ol jerde maýsym aıynda qosymsha aqy $4,40 boldy, dep habarlady Aramco memlekettik munaı kompanııasy.
Gazet atap ótkendeı, bul OPEK+-tiń shilde jáne tamyz aılarynda táýligine 648 myń barrelge nemese buryn josparlanǵannan 50 paıyzǵa artyq óndirýdi ulǵaıtý týraly jýyrdaǵy sheshimine qaramastan jasaldy.
”Adyrna” ulttyq portaly
