Aibek Smadiiarov jaŋa lauazymǧa taǧaiyndaldy. Būl turaly bügın, 15 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysynyŋ ökımımen Aibek Serıkbaiūly Smadiiarov Qazaqstan Respublikasy Prezidentı Äkımşılıgınıŋ Işkı saiasat bölımınıŋ meŋgeruşısı lauazymyna taǧaiyndaldy»,- delıngen habarlamada.
Aita keteiık, būǧan deiın ol Syrtqy ıster ministrlıgınıŋ resmi ökılı qyzmetın atqarǧan edı.
9 jeltoqsanda Smadiiarov jurnalisterge qyzmetınen ketetının jetkızgen bolatyn. Aituynşa, ol būl künge aldyn ala daiyndalǧan jäne şeşımdı aiaqasty qabyldamaǧan.
«Men būl künge arnaiy daiyndaldym. Būl – menıŋ jeke şeşımım. Osy mınberde tūrǧanyma segız jyl bolypty. Osy uaqyt aralyǧynda elımızdıŋ syrtqy saiasaty talai belesterden öttı, türlı sūraqtar tuyndady. Tek sızderdıŋ, jurnalisterdıŋ arqasynda bükıl älem Qazaqstan turaly bıldı. Sızder ministrlıkke orasan zor qoldau körsettıŋızder», – degen edı ol.
