Ákim saǵan aıtam, qazaq (ata-ana) sen tyńda...
Qazaqstanda jyl saıyn qazan aıynyń birinshi jeksenbisinde Muǵalimder kúni atap ótiledi..
Qyrkúıek aıynyń sońyna taman barlyq deńgeıdegi ákim-qaralar Maǵjan aıtqan «Alty alashtyń balasy bas qossa, tór – muǵalimdiki» degen sózdi biriniń aýzynan biri julyp alyp aıta bastaıdy..
Sosyn boldy...
Kelesi jylǵa deıin tynyshtyq...
(Tynyshtyq bolǵanda muǵalimge tynyshtyq joq qoı. "Muǵalim mártebesi" týraly zań jobasynda muǵalimnen ant alý qarastyrylǵan. Sirá, muǵalimderdiń belsendiligin sóndirý áreketi bolsa kerek).
Zań meıli..
Al ómirde muǵalimge degen syı-qurmet qanshalyqty deńgeıde?
Balaǵa bilim nárin sińiretin muǵalimge degen syı-qurmet, adamǵa degen syı-qurmetten tómen desem artyq aıtpaıtyn shyǵarmyn.
Arǵy aptada tańǵalarlyq jaǵdaıǵa kýá boldym. Ashyǵyn aıtsam, sol áserden áli aıyǵa almaı júrmin..
Daýly isterdi qaraǵan jınalystarda sóılegenimiz bolmasa, prezıdıýmǵa qonjıyp, trıbýnaǵa umtylý tabıǵatymyzda joq..
Ońtústikten Soltústikke atty kóshi-qon baǵdarlamasyn nasıhattaý maqsatynda Jetisaı qalasyna bardyq.
Jınalys tóraǵasy Á.Asaýov Pavlodar oblysy, Ertis aýdany ákiminiń orynbasary Jańbyrbaı Saǵynaev dep tanystyrǵan azamat sóz alyp, baǵdarlamany egjeı-tegjeıli túsindirdi.
Artynan biz de soltústik oblystardy aralaǵanda kózben kórgenimizdi aıtyp berdik..
Jınalys bitken soń Jańbyrbaı myrzamen jaqynyraq tanystyq, áńgimelestik, baǵdarlama týraly pikir almastyq degendeı.. Menen 4-5 jas úlkendigi bar eken..
Jańbyrbaımen bir apta oblysty araladyq.
Árbir jınalysta Jańbyrbaı tórden qasynan oryn berip, qonaq retinde ózine usynylǵan sózdi almaı jasym kishi bolsa da alǵashqy sózdi maǵan berip júrdi..
Men muny ádepti adamnyń jalpy muǵalimge kórsetken qurmeti dep túsindim.
Ózimizdiń jergilikti sheneýnikterdi jamandaǵanda eshkim jaqsy ákimin bermeıdi, árıne. Biraq ózimizdegi eshbir ákim-qaradan mundaı qurmet kórgen emespin.
PS Kóp adam eskere bermeıtin jaǵdaı bar.
Úıinde mektep, muǵalim týraly jaqsy áńgime aıtylmaıtyn otbasylardyń balalarynyń sabaqqa degen qyzyǵýshylyǵyn oıatý muǵalim úshin áldeqaıda aýyr..
Sebebi, ol sábı úshin mektep jazalaıtyn oryn, muǵalim tek ursa beretin bireý. Sábıdiń qabyldaý organdary muǵalim beretin barlyq aqparat úshin jabyq bolady.
Kerekýlik sheneýnikten úlgi alyńyzdar, kúngeılik mem.qyzmetkerler..
Saı bolsańyz da, saı bolmasańyz da sizderdi el "Elıta" deıdi..
"Bolmasań da uqsap baq, bir ǵalymdy kórseńiz" degendeı bekzattyqqa umytylyńyzdar.. Odan eń aldymen ózińizdiń abyroıyńyz kóteriledi.
Jaqyndap qalǵan Muǵalim merekesi qutty bolsyn, qazaqtar!
Negizderdiń negizi - bilim salasy ońalmaı ekonomıka da, saıasat ta ońalmaıtynyn esten shyǵarmańyzdar.
"Adyrna" ulttyq portaly
