ءومىر شىنىبەكۇلى: مۇعالىمگە دەگەن سىي-قۇرمەت، ادامعا دەگەن سىي-قۇرمەتتەن تومەن

3831
Adyrna.kz Telegram

اكىم ساعان ايتام، قازاق (اتا-انا) سەن تىڭدا...

قازاقستاندا جىل سايىن قازان ايىنىڭ ءبىرىنشى جەكسەنبىسىندە مۇعالىمدەر كۇنى اتاپ وتىلەدى..

قىركۇيەك ايىنىڭ سوڭىنا تامان بارلىق دەڭگەيدەگى اكىم-قارالار ماعجان ايتقان «التى الاشتىڭ بالاسى باس قوسسا، ءتور – مۇعالىمدىكى» دەگەن ءسوزدى ءبىرىنىڭ اۋزىنان ءبىرى جۇلىپ الىپ ايتا باستايدى..
سوسىن بولدى...
كەلەسى جىلعا دەيىن تىنىشتىق...
(تىنىشتىق بولعاندا مۇعالىمگە تىنىشتىق جوق قوي. "مۇعالىم مارتەبەسى" تۋرالى زاڭ جوباسىندا مۇعالىمنەن انت الۋ قاراستىرىلعان. ءسىرا، مۇعالىمدەردىڭ بەلسەندىلىگىن ءسوندىرۋ ارەكەتى بولسا كەرەك).

زاڭ مەيلى..
ال ومىردە مۇعالىمگە دەگەن سىي-قۇرمەت قانشالىقتى دەڭگەيدە؟
بالاعا ءبىلىم ءنارىن سىڭىرەتىن مۇعالىمگە دەگەن سىي-قۇرمەت، ادامعا دەگەن سىي-قۇرمەتتەن تومەن دەسەم ارتىق ايتپايتىن شىعارمىن.

ارعى اپتادا تاڭعالارلىق جاعدايعا كۋا بولدىم. اشىعىن ايتسام، سول اسەردەن ءالى ايىعا الماي ءجۇرمىن..

داۋلى ىستەردى قاراعان جينالىستاردا سويلەگەنىمىز بولماسا، پرەزيديۋمعا قونجيىپ، تريبۋناعا ۇمتىلۋ تابيعاتىمىزدا جوق..

وڭتۇستىكتەن سولتۇستىككە اتتى كوشى-قون باعدارلاماسىن ناسيحاتتاۋ ماقساتىندا جەتىساي قالاسىنا باردىق.
جينالىس توراعاسى ءا.اساۋوۆ پاۆلودار وبلىسى، ەرتىس اۋدانى اكىمىنىڭ ورىنباسارى جاڭبىرباي ساعىناەۆ دەپ تانىستىرعان ازامات ءسوز الىپ، باعدارلامانى ەگجەي-تەگجەيلى ءتۇسىندىردى.

ارتىنان ءبىز دە سولتۇستىك وبلىستاردى ارالاعاندا كوزبەن كورگەنىمىزدى ايتىپ بەردىك..
جينالىس بىتكەن سوڭ جاڭبىرباي مىرزامەن جاقىنىراق تانىستىق، اڭگىمەلەستىك، باعدارلاما تۋرالى پىكىر الماستىق دەگەندەي.. مەنەن 4-5 جاس ۇلكەندىگى بار ەكەن..
جاڭبىربايمەن ءبىر اپتا وبلىستى ارالادىق.
ءاربىر جينالىستا جاڭبىرباي توردەن قاسىنان ورىن بەرىپ، قوناق رەتىندە وزىنە ۇسىنىلعان ءسوزدى الماي جاسىم كىشى بولسا دا العاشقى ءسوزدى ماعان بەرىپ ءجۇردى..
مەن مۇنى ادەپتى ادامنىڭ جالپى مۇعالىمگە كورسەتكەن قۇرمەتى دەپ ءتۇسىندىم.
ءوزىمىزدىڭ جەرگىلىكتى شەنەۋنىكتەردى جامانداعاندا ەشكىم جاقسى اكىمىن بەرمەيدى، ارينە. بىراق وزىمىزدەگى ەشبىر اكىم-قارادان مۇنداي قۇرمەت كورگەن ەمەسپىن.

PS كوپ ادام ەسكەرە بەرمەيتىن جاعداي بار.
ۇيىندە مەكتەپ، مۇعالىم تۋرالى جاقسى اڭگىمە ايتىلمايتىن وتباسىلاردىڭ بالالارىنىڭ ساباققا دەگەن قىزىعۋشىلىعىن وياتۋ مۇعالىم ءۇشىن الدەقايدا اۋىر..
سەبەبى، ول ءسابي ءۇشىن مەكتەپ جازالايتىن ورىن، مۇعالىم تەك ۇرسا بەرەتىن بىرەۋ. ءسابيدىڭ قابىلداۋ ورگاندارى مۇعالىم بەرەتىن بارلىق اقپارات ءۇشىن جابىق بولادى.

كەرەكۋلىك شەنەۋنىكتەن ۇلگى الىڭىزدار، كۇنگەيلىك مەم.قىزمەتكەرلەر..
ساي بولساڭىز دا، ساي بولماساڭىز دا سىزدەردى ەل "ەليتا" دەيدى..
"بولماساڭ دا ۇقساپ باق، ءبىر عالىمدى كورسەڭىز" دەگەندەي بەكزاتتىققا ۇمىتىلىڭىزدار.. ودان ەڭ الدىمەن ءوزىڭىزدىڭ ابىرويىڭىز كوتەرىلەدى.

جاقىنداپ قالعان مۇعالىم مەرەكەسى قۇتتى بولسىن، قازاقتار!

نەگىزدەردىڭ نەگىزى - ءبىلىم سالاسى وڭالماي ەكونوميكا دا، ساياسات تا وڭالمايتىنىن ەستەن شىعارماڭىزدار.

 

"ادىرنا" ۇلتتىق پورتالى

 

 

پىكىرلەر