Qyzylordada vagon qurastyrý zaýyty salynady. Bul týraly úkimettiń baspasóz qyzmeti málimdedi, dep habarlaıdy “Adyrna” ulttyq portaly.
Aqparatqa sáıkes, premer-mınıstrdiń birinshi orynbasary Roman Sklıar Qyzylorda oblysyndaǵy birqatar nysannnyń jumysymen tanysty.
Roman Sklıar bastaǵan úkimet delegaııasy Qyzylorda qalasyndaǵy "Qorqyt Ata" halyqaralyq áýejaıynyń jańa termınalyna bardy. Nysannyń qurylysyna 16,6 mlrd teńge jeke ınvestıııa salyndy. Jergilikti bıýdjetten ınjenerlik-kommýnıkaııalyq ınfraqurylymǵa 4,3 mlrd teńgeden astam qarjy bólindi.
"Ári qaraı Sklıar "Jolaýshylar vagondaryn jóńdeý, tehnıkalyq qyzmet kórsetý kesheni jáne vagon qurastyrý zaýyty" jobasymen tanysty. Jobaǵa 15,4 mlrd teńge ınvestıııa tartyldy", - dep jazylǵan habarlamada.
Keshenniń josparlanǵan qýaty jolaýshylar vagondaryn jóndeý men qyzmet kórsetýdi jaqsartýǵa, sondaı-aq jańa úlgiler shyǵarýǵa múmkindik beredi.
Úkimet delegaııasy odan ári qaraı kirpish zaýytynyń qurylysymen jáne shyny zaýytynyń jumysymen tanysty. Kirpish zaýytyna Qyzylorda qalasyndaǵy "Óndiris" ındýstrııalyq aımaǵynan 7 gektar jer telimi berildi, jylyna 90 mln dana kirpish shyǵarylady degen jospar bar.
Shyny zaýytynda jylyna 197,1 myń tonna shyny óndirilip, Reseı Ózbekstan, Qyrǵyzstan jáne Tájikstanǵa eksporttalady. Búginde zaýytta 366 maman jumys isteıdi. Ótken jyly shyny zaýyty ishinen energııa únemdeıtin shyny óndirisiniń jańa jelisi iske qosyldy. Qytaılyq ınvestor aldaǵy ýaqytta 2 kezeńge josparlanǵan jańa ınvestıııalyq jobany iske asyrmaq.
Roman Sklıar sonymen qatar Qyzylordadaǵy jańa JEO qurylysynyń barysymen tanysty.
"Jobanyń quny – 215 mlrd teńge, qýaty – 240 MVt. Búgingi tańda ınvestor – "Aqsa Energı" túrik kompanııasy nysannyń qurylysyna 135 mlrd teńgeden astam qarjy saldy. Jańa JEO iske qosylǵan kezde óńirdi elektr energııasymen tolyq qamtamasyz etedi", - dep atap ótti úkimettiń baspasóz qyzmeti.
Roman Sklıar "Táýelsizdikke – 25 jyl" dańǵylyn qaıta jańǵyrtý barysyn kórdi. Ótken jyldan beri Beıbarys sultan kóshesinen Ábilqaıyr han kóshesine deıingi Syrdarııa ózeniniń qorǵanys bógeti nyǵaıtylyp, atalǵan dańǵyldyń 6,7 shaqyrymy qaıta jańǵyrtyldy.
"Jaıly mektep" ulttyq jobasy aıasynda Qyzylorda oblysynda 6,9 myń oryndyq 10 mektep salý josparlanǵan. Búgingi tańda onyń ishinde 5 mektep paıdalanýǵa berildi. Bıyl qalǵan 5 oqý ornynyń qurylysyn aıaqtaý josparlanýda.
Sonymen qatar oblystyq bıýdjetten halyqaralyq standarttarǵa sáıkes keletin 11 myń oryndyq stadıon salýǵa 20,9 mlrd teńge bólindi. Búgingi tańda Shyǵys jáne Batys trıbýnalarynyń metall konstrýkııalaryn montajdaý tolyǵymen aıaqtaldy, qabyrǵalar, ishki bólimder jáne syrtqy vıtrajdar tóselýde.
Roman Sklıar jańa avtovokzaldyń jumysymen de tanysty. Ol ótken jyly paıdalanýǵa berildi. Ǵımarat jolaýshylarǵa qajetti jabdyqtarmen jabdyqtalǵan jáne 200 adamǵa arnalǵan. Jobanyń quny – 975 mln teńge.
