Astanadaǵy beınebaqylaý júıesinen «Sergek» ketip jatyr. Onyń ornyna jańa júıeni BAÁ kompanııasy engizedi. Bul týraly elorda máslıhatynyń kezekten tys sessııasynda Astana qalasy ıfrlandyrý jáne memlekettik qyzmet basqarmasynyń basshysy Dıdar Súleımenov málimdedi, dep habarlaıdy “Adyrna” ulttyq portaly.
Aqparatqa sáıkes, «Sergek» jobasyn jasaýshy «Kórkem Telekom» kompanııasynyń Astana ákimdigimen aradaǵy memlekettik-jekemenshik áriptestik (MJÁ) kelisimi aıaqtaldy. Ákimdik kelisimdi uzartpaý týraly sheshim qabyldady.
“2017 jyly «Sergek» jobasy júzege asyryldy. Bıyldyń 13 naýryzynda «Kórkem Telekom» kompanııasymen kelisimshart merzimi aıaqtalady. Memleket basshysynyń tapsyrmasy aıasynda jáne jobany odan ári damytý turǵysynda G42 holdıngine kiretin Presight halyqaralyq kompanııasymen elorda úshin jasandy ıntellekt negizinde qalalyq ınfraqurylymdy basqarýdyń jobalyq sheshimin iske asyrý jumysyn atqardyq. Jańa jobany qalyptastyrý kezinde qazirgi qoldanystaǵy júıeniń kemshilikteri eskerildi”, - dedi Dıdar Súleımenov.
Endi Presignt kompanııasy 2025-2030 jyldar aralyǵynda qaladaǵy beınebaqylaý júıesin damytýǵa jaýapty bolady. Jobaǵa 53 mlrd teńge qarjy bólinedi.
Negizgi mindetteri:
- «Aqyldy qala» (Smart City) tujyrymdamasyn damytý
- Qaýipsizdikti arttyrý
- Joldaǵy tártipti qadaǵalaý
Jobanyń 100% shyǵynyn jeke kompanııa kóteredi, al 60%-yn qazaqstandyq kásiporyndar qamtamasyz etedi. Presignt tólemderdi tek joba iske qosylǵannan keıin ǵana alady.
Qaladaǵy qoldanystaǵy beınekameralar jańa operatorǵa bir aı ishinde beriledi.
Aıta ketsek, «Sergek» jobasy 2017 jyly memlekettik-jekemenshik áriptestik negizinde iske qosyldy. «Kórkem Telekom» kompanııasy 8,4 mlrd teńge jeke ınvestıııa saldy, al ákimdik 24,9 mlrd teńge tólegen edi.
