Prezıdent Qasym-Jomart Toqaev Elorda tórinde ótken sybaılas jemqorlyqpen kúres máselelerine arnalǵan keńeste Almatyda "Sergek" kameralarynyń sany ulǵaıtylatynyn aıtqan edi, dep habarlaıdy «Adyrna» tilshisi.
Memleket basshysy iri qalalarda ornatylǵan beınebaqylaý kameralaraynyń oń áserin tıgizip turǵanyna toqtalyp, alyp qaladaǵy kamera sanyn arttyrýǵa tapsyrma bergen edi.
"Qańtar oqıǵalary kezinde basbuzarlar qolymen 500 kamerany syndyrǵan Almaty qalasy boıynsha tapsyrma berdim. Olardy qalpyna keltirip ǵana qoımaı, kameralardyń sanyn ulǵaıtý kerek. Áńgime bizdiń azamattardyń is-áreketine qandaı da bir jalpy monıtorıng nemese baqylaý ornatý jaıynda emes. Bul turǵyndardyń tikeleı qaýipsizdik máselesi", - dedi Toqaev.
Prezıdenttiń bul pármeni shaharda qaltqysyz oryndalyp jatyr. Bul týraly qala ákimi Erbolat Dosaev málimdedi.
"Halyqtyń qaýipsizdigin qamtamasyz etý jáne Naýryzbaı aýdanynyń aýmaǵyn beınebaqylaý kameralarymen qamtý maqsatynda 300 kamerany ornatý jumystary bastaldy (148– aýlada, 100– kóshede, 52– áleýmettik obektide). Bul jumystar osy jyldyń sońyna deıin aıaqtalady", - dep habarlady qala ákimi.
2023 jyldyń I-toqsanynda 369 kameraǵa eseptelgen qazirgi 36«Sergek» apparattyq-baǵdarlamalyq keshenine (21-jelilik ýchaskelerde, 15 - kóshe qıylystarynda) qosymsha 205 kameraǵa eseptelgen 20 «Sergek» apparattyq-baǵdarlamalyq kesheni (19 – jelilik ýchaskelerde, 1 – jol qıylysynda) ornatylady.
