Prezident Qasym-Jomart Toqaev Elorda törınde ötken sybailas jemqorlyqpen küres mäselelerıne arnalǧan keŋeste Almatyda "Sergek" kameralarynyŋ sany ūlǧaitylatynyn aitqan edı, dep habarlaidy «Adyrna» tılşısı.
Memleket basşysy ırı qalalarda ornatylǧan beinebaqylau kameralaraynyŋ oŋ äserın tigızıp tūrǧanyna toqtalyp, alyp qaladaǧy kamera sanyn arttyruǧa tapsyrma bergen edı.
"Qaŋtar oqiǧalary kezınde basbūzarlar qolymen 500 kamerany syndyrǧan Almaty qalasy boiynşa tapsyrma berdım. Olardy qalpyna keltırıp ǧana qoimai, kameralardyŋ sanyn ūlǧaitu kerek. Äŋgıme bızdıŋ azamattardyŋ ıs-äreketıne qandai da bır jalpy monitoring nemese baqylau ornatu jaiynda emes. Būl tūrǧyndardyŋ tıkelei qauıpsızdık mäselesı", - dedı Toqaev.Prezidenttıŋ būl pärmenı şaharda qaltqysyz oryndalyp jatyr. Būl turaly qala äkımı Erbolat Dosaev mälımdedı.
"Halyqtyŋ qauıpsızdıgın qamtamasyz etu jäne Nauryzbai audanynyŋ aumaǧyn beinebaqylau kameralarymen qamtu maqsatynda 300 kamerany ornatu jūmystary bastaldy (148– aulada, 100– köşede, 52– äleumettık obektıde). Būl jūmystar osy jyldyŋ soŋyna deiın aiaqtalady", - dep habarlady qala äkımı.2023 jyldyŋ I-toqsanynda 369 kameraǧa eseptelgen qazırgı 36«Sergek» apparattyq-baǧdarlamalyq keşenıne (21-jelılık uchaskelerde, 15 - köşe qiylystarynda) qosymşa 205 kameraǧa eseptelgen 20 «Sergek» apparattyq-baǧdarlamalyq keşenı (19 – jelılık uchaskelerde, 1 – jol qiylysynda) ornatylady.
Ūqsas jaŋalyqtar
