Qazaqstan Respublikasynyŋ Prezidentı Qasym-Jomart Toqaev ırı qalalarda ornatylǧan beinebaqylau kameralarynyŋ oŋ äserın tigızıp tūrǧanyna toqtalyp, alyp qaladaǧy kamera sanyn arttyruǧa tapsyrma berdı, dep habarlaidy «Adyrna» tılşısı.
Memleket basşysy Astanada ötken sybailas jemqorlyqpen küres mäselelerıne arnalǧan keŋeste Almatyda «Sergek» kameralarynyŋ sany ūlǧaitylatynyn aitqan bolatyn.
Memleket basşysy ırı qalalarda ornatylǧan beinebaqylau kameralarynyŋ oŋ äserın tigızıp tūrǧanyna toqtalyp, alyp qaladaǧy kamera sanyn arttyruǧa tapsyrma bergen edı.
Atalǧan pärmen Almaty qalasynda jüielı türde ıske asuda. Būl turaly şahar basşysy Erbolat Dosaev Almaly audanynyŋ tūrǧyndarymen ötken kezdesude aitty.
«Qoǧamdyq qauıpsızdıktı qamtamasyz etu üşın osy jyldyŋ soŋyna deiın adam köp jinalatyn oryndarǧa (118 kamera), aulalarǧa (200 kamera) jäne köşe qiylystaryna (223 kamera) 541 beinekamera ornatylady», - dedı qala äkımı.Onyŋ aituynşa, qoldanystaǧy 947 kameraǧa eseptelgen 177 "Sergek" avtomattandyrylǧan-baǧdarlamalyq keşenıne qosymşa (44– jelılık uchaskelerde,133– köşe qiylystarynda) 400 kameraǧa eseptelgen 38 "Sergek" avtomattandyrylǧan-baǧdarlamalyq keşenı (22– jelılık uchaskelerde,16- köşe qiylystarynda) ornatylady.
«Jalpy, barlyq jūmystar aiaqtalǧannan keiın Almaly audanyndaǧy kameralardyŋ jalpy sanyn 1 469 bırlıkke deiın köbeitemız», - dedı Almaty qalasynyŋ äkımı Erbolat Dosaev öz baiandamasynda.
Ūqsas jaŋalyqtar
