Qazaqstan Respýblıkasynyń Prezıdenti Qasym-Jomart Toqaev iri qalalarda ornatylǵan beınebaqylaý kameralarynyń oń áserin tıgizip turǵanyna toqtalyp, alyp qaladaǵy kamera sanyn arttyrýǵa tapsyrma berdi, dep habarlaıdy «Adyrna» tilshisi.
Memleket basshysy Astanada ótken sybaılas jemqorlyqpen kúres máselelerine arnalǵan keńeste Almatyda «Sergek» kameralarynyń sany ulǵaıtylatynyn aıtqan bolatyn.
Memleket basshysy iri qalalarda ornatylǵan beınebaqylaý kameralarynyń oń áserin tıgizip turǵanyna toqtalyp, alyp qaladaǵy kamera sanyn arttyrýǵa tapsyrma bergen edi.
Atalǵan pármen Almaty qalasynda júıeli túrde iske asýda. Bul týraly shahar basshysy Erbolat Dosaev Almaly aýdanynyń turǵyndarymen ótken kezdesýde aıtty.
«Qoǵamdyq qaýipsizdikti qamtamasyz etý úshin osy jyldyń sońyna deıin adam kóp jınalatyn oryndarǵa (118 kamera), aýlalarǵa (200 kamera) jáne kóshe qıylystaryna (223 kamera) 541 beınekamera ornatylady», - dedi qala ákimi.
Onyń aıtýynsha, qoldanystaǵy 947 kameraǵa eseptelgen 177 "Sergek" avtomattandyrylǵan-baǵdarlamalyq keshenine qosymsha (44– jelilik ýchaskelerde,133– kóshe qıylystarynda) 400 kameraǵa eseptelgen 38 "Sergek" avtomattandyrylǵan-baǵdarlamalyq kesheni (22– jelilik ýchaskelerde,16- kóshe qıylystarynda) ornatylady.
«Jalpy, barlyq jumystar aıaqtalǵannan keıin Almaly aýdanyndaǵy kameralardyń jalpy sanyn 1 469 birlikke deıin kóbeıtemiz», - dedi Almaty qalasynyń ákimi Erbolat Dosaev óz baıandamasynda.
