Foto: Varlamov news/Telegram
18 qazan, jeksenbıge qaraǧan tünı Reseidıŋ Sankt-Peterburg pen Leningrad oblysyna ūşqyşsyz ūşu apparattarymen (drondarmen) jappai şabuyl jasaldy. Jergılıktı bilıktıŋ mälımetınşe, şabuyl saldarynan Sankt-Peterburg mūnai terminalynyŋ aumaǧynda ört şyqqan. Sondai-aq VK kompaniiasynyŋ derekter ortalyǧyna şabuyl jasalyp, drondardyŋ synyqtary köpqabatty jäne jeke tūrǧyn üilerge qūlaǧan. Būl turaly DW jazdy, dep habarlaidy “Adyrna”.
Sankt-Peterburg gubernatory Aleksandr Beglov taŋerteŋ Nevskii, Krasnoselskii, Krasnogvardeiskii jäne Mäskeu audandaryndaǧy azamattyq infraqūrylym nysandarynda, sondai-aq mūnai terminaly aumaǧynda ört söndıru jūmystary jürgızılıp jatqanyn mälımdedı.
«Qauıpsızdık maqsatynda Pulkovo äuejaiynyŋ jūmysy şekteldı. Qaza tapqandar joq. Mobildı internet jūmysynda üzılıster boluy mümkın», — dep jazdy ol Telegram-arnasynda.
Leningrad oblysynyŋ gubernatory Aleksandr Drozdenko aimaq aumaǧynda 126 dronnyŋ atyp tüsırılgenın habarlady. Onyŋ aituynşa, Vsevolojsk qalasyndaǧy köpqabatty tūrǧyn üige, Kirovsk maŋyndaǧy jeke üige jäne Nizino auylyndaǧy tört avtokölıkke dron synyqtary qūlaǧan.
«Elektr beru jelılerıne synyqtardyŋ qūlauyna bailanysty elektr quaty qysqa merzımge üzılıp jatyr», – dedı şeneunık.
«VKontakte» äleumettık jelısı men Max messendjerıne ielık etetın VK kompaniiasynyŋ ökılderı Leningrad oblysyndaǧy derekter ortalyǧyna dron şabuyly jasalǧanyn rastady.
Kompaniianyŋ mälımetınşe, VK servisterı paidalanuşylar üşın ädettegı rejimde jūmys ıstep tūr. Alaida «Sboi.rf» jäne Detector404.ru monitoring platformalarynda «VKontakte» jūmysyna qatysty şaǧymdar sany artqany tırkelgen.
Sonymen qatar Sankt-Peterburgtegı «Fontanka» internet-basylymynyŋ oqyrmandary qalanyŋ bırqatar audanynda elektr quatynyŋ joq ekenın habarlaǧan. Atap aitqanda, Kalinin jäne Krasnogvardeiskii audandarynda, sondai-aq Ruchi audanynda jaryqtyŋ öşkenı aityldy.
Dnipro Osint, Astra jäne Varlamov News Telegram-arnalarynyŋ mälımetınşe, drondardyŋ bırı Korabelnyi farvater arqyly ötetın aspaly köpırge soqqy jasaǧan. Būl köpır aqyly Batys jyldamdyq diametrı (ZSD) avtomagistralınıŋ qūramyna kıredı.
Qala bilıgı köpırge şabuyl jasalǧany turaly aqparatty resmi türde rastaǧan joq. Alaida «Fontanka» basylymynyŋ habarlauynşa, ZSD avtomagistralınıŋ Ekateringofka būǧazynan Şkiperskii būǧazyna deiıngı bölıgı jabylǧan. Däl osy uchaskede Korabelnyi farvater arqyly ötetın köpır ornalasqan.
Būdan bölek, marketpleis Ozon kompaniiasynyŋ qoimasynda ört şyqqany turaly da aqparat tarady.
