Kaspii teŋızınıŋ Aqtaudaǧy 1-şaǧynaudan tūsyndaǧy jaǧalauy qyzyl tüske boialyp, jergılıktı tūrǧyndardyŋ alaŋdauşylyǧyn tuǧyzdy. Alaida ekologtar būl tabiǧi qūbylys ekenın aityp, eşqandai ekologiialyq qauıp joq ekenın mälımdedı, dep habarlaidy “Adyrna” ūlttyq portaly Massaget.kz-ke sıltep.
Äleumettık jelılerde qyzyl tüske boialǧan jaǧalaudyŋ suretterı taralyp, keibır tūrǧyndar himiialyq tögındılerden küdıktengen. Alaida «Eko Maŋǧystau» ÜEŪ basşysy Kirill Osin būl qysta jiı kezdesetın tabiǧi qūbylys ekenın tüsındırdı.
“Äsırese qar jauǧan kezde qoŋyr baldyrlar qyzyl reŋkke ie bolyp, erekşe körınıs beredı. Būl ekologiia men adamdarǧa eşqandai qauıp töndırmeidı,” – dedı ol.
Maŋǧystau oblysynyŋ Ekologiia departamentı de jaǧdaiǧa qatysty resmi tüsınıkteme berıp, teŋızden alynǧan synamalarda himiialyq zattar anyqtalmaǧanyn mälımdedı.
“Dostar” jaǧajaiy, “Nūr-Plaza” jäne iahta kluby aumaǧynan synamalar alyndy. Taldau nätijelerı teŋızdegı özgerısterdıŋ baldyrlardyŋ tabiǧi güldenuınen bolǧanyn körsettı. Būl qūbylys eşqandai ziian keltırmeidı, sondyqtan alaŋdauǧa negız joq,” – dedı ekologiialyq zertteu zerthanasynyŋ gidrobiologiia bölımınıŋ mamany Nūrbolat Ötemısov.
Mamandardyŋ aituynşa, qys mezgılınde teŋız baldyrlary belsendı türde köbeiıp, su betınde qyzyl tüstı daqtar paida boluy mümkın. Ekologtar tūrǧyndardy sabyrǧa şaqyryp, būl qūbylysty qalypty jaǧdai dep qabyldauǧa keŋes berdı.
Ūqsas jaŋalyqtar
