Aqtauda avtodrom maŋynda jol-kölık oqiǧasy bolyp, ekı bala zardap şektı, - dep habarlaidy, “Adyrna” ūlttyq portaly.
Oblystyq jedel järdem jäne şūǧyl medisinalyq qyzmet körsetu stansiiasynyŋ mälımdeuınşe, oqiǧa 13-qyrküiek künı keşkı uaqytta bolǧan. Jedel järdemdı şaqyrtu uaqyty saǧat 21:07-de tırkelgen.
Jol apatynan 2008 jäne 2012 jyly tuǧan ekı qyz zardap şekkenı belgılı boldy. Olar auyr halde Aqtau qalasyndaǧy oblystyq balalar auruhanasyna jetkızıldı.
«Jol-kölık oqiǧasyna sebepker bolǧan jürgızuşı ūstalyp, onyŋ saldarynan adam densaulyǧyna auyr ziian keltırgen jol qozǧalysy nemese kölık qūraldaryn paidalanu erejelerın būzu faktısı boiynşa qylmystyq ıs qozǧaldy», - dep habarlady vedomstvodan.
Polisiia tergeudı jalǧastyruda. Basqa mälımetter tergeu müddesı üşın jariialanbaidy.
