Kaspii teŋızınıŋ Äzerbaijanǧa qarasty bölıgınde mūnai tögıldı, dep habarlaidy "Adyrna" ūlttyq portaly.
Jergılıktı BAQ mälımetınşe, Diubendı kentınıŋ jaǧajaiy maŋynda mūnai tögılu faktısı tırkelgen. Aldyn ala mälımet boiynşa, oqiǧa «Azmūnai» öndırıstık bırlestıgıne tiesılı suasty mūnai qūbyrynyŋ zaqymdanuynan bolǧan.
Äzerbaijannyŋ memlekettık mūnai kompaniiasy taratqan aqparatqa säikes, 19 mausym künı jauapty qyzmetterge atalǧan aumaqta mūnai ızderınıŋ baiqalǧany turaly habarlama tüsken. Jürgızılgen tekseru nätijesınde lastanu közı suasty mūnai qūbyry ekenı anyqtalǧan.
Kompaniianyŋ mälımetınşe, oqiǧadan keiın atalǧan qūbyr arqyly mūnai tasymaldau dereu toqtatylyp, teŋızge mūnaidyŋ odan ärı aǧuyna jol berılmegen.
Süŋguırler jürgızgen zertteu barysynda qūbyrdan mehanikalyq zaqym anyqtalǧan. Aldyn ala boljam boiynşa, zaqym syrtqy zattyŋ äserınen, yqtimal keme zäkırınıŋ tiıp ketuınen paida bolǧan. Qazır zaqymdanǧan uchaskede jöndeu-qalpyna keltıru jūmystary jürgızılıp jatyr.
Oqiǧanyŋ naqty män-jaiy men keltırılgen ekologiialyq zalal kölemı anyqtaluda.
