Kaspii teŋızınıŋ jaǧalauynda 25 ölı itbalyq ūşasy men 33 dana bekıre tūqymdas balyqtardy tapty, dep habarlaidy "Adyrna" tılşısı.
Būl aqparatty Ekologiia jäne tabiǧi resurstar ministrlıgınıŋ Balyq şaruaşylyǧy komitetı Facebook paraqşasynda habarlaǧan.
Komitettıŋ mälımetınşe, 15 qazanda saǧat 10:40-ta Jaiyq-Kaspii oblysaralyq basseindık balyq şaruaşylyǧy inspeksiiasynyŋ Maŋǧystau oblysy boiynşa balyq inspeksiiasy basqarmasy qyzmetkerlerı Kaspii teŋızınıŋ jaǧalauyna monitoring jürgızu barysynda Tüpqaraǧan audany Bautino auylynyŋ janynan 25 ölı itbalyq pen 33 bekıre tūqymdas balyǧyn tapqan.
Tabylǧan teŋız balyqtarynyŋ ölekselerı är türlı därejede ydyraǧan, būl olardyŋ är uaqytta aulanǧanyn körsetedı.
Qazır sirek kezdesetın jäne qūryp ketu qaupı töngen januarlar türlerınıŋ joiylu deregı boiynşa qylmystyq ıs qozǧaldy.
Ūqsas jaŋalyqtar
