Jambyl oblysynda bilim bóliminiń basshylary 12 jasar oqýshynyń júktiligin bir jyl boıy jasyryp kelgen. Bul týraly 31-arna Informbıýro jańalyqtar baǵdarlamasy jarııalady, dep habarlaıdy “Adyrna” ulttyq portaly.
Mektep ákimshiligi Jańatas qalasyndaǵy jaǵdaıdy jasyrý úshin qyzdyń anasyna eskertpeı, oǵan túsik jasatqan. Qazir 7-synyptaǵy jasóspirimge azǵyndyq jasady degen kúdikpen aýdandyq máslıhat depýtatynyń kúıeýi qamaýǵa alyndy. Polıııa qylmysty der kezinde habarlamaǵan bilim salasynyń qyzmetkerlerine qatysty is qozǵady.
12 jasar qyzdy uzaq ýaqyt 55 jastaǵy er adam jynystyq qarym-qatynasqa tartqan. Telefon syılap, aldap, oqýshyǵa oıyna kelgenin istegen kórinedi. Aqyry júkti bolyp, anasyna bar shyndyqty aıtýǵa bel býǵan. Qaltasy qalyń kúdikti qyzdy qorqytyp, eshkimge aıtpaýyn talap etken.
Kerek joq, onyń baılanysy myqty. Áıeli - depýtat. Balabaqshada meńgerýshi bolyp isteıdi. Maǵan qyzym júkti ekenin tek jańa jyldyń qarsańynda aıtty. Júktilik merzimi shamamen alty aılyq,- dedi anasy Márııam Smadııarova.
Jalǵyzbasty áıel qyzynyń júktiligin mektep basshylary da jasyrýǵa tyrysqanyn aıtady. Qyz mektep-ınternatta jatyp oqyǵan. Júktiliktiń alty aılyǵynda oqýshyny bilim oshaǵynyń qyzmetkerleri Jańatastan Qarataý qalasyna alyp ketken.
Maǵan túsik jasatatynyn aıtqan joq. Olar túsikten buryn tolǵaq shaqyratyn dári bergen. Men bilmedim. Tek túnde qyzym túsik jasatqyzǵany týraly hat jazyp jiberipti. Súti taraýy úshin omyraýyn sharfpen býyp, úıge ákelip tastady. Biraq bul túsik eshqandaı quzyrly organdarynda tirkelmegen. Jasyryn túsik jasatýdyń jolyn tapqandar jeke gınekolog jaldaǵan eken.
Bilim bóliminiń basshysy kúdikti balabaqshada kúzetshi bolyp istegenin aıtady.
“Qazir tergeý amaldary júrip jatyr. Sondyqtan eshnárse aıta almaımyn. Oqıǵa bolǵany ras. Aıgóılek memlekettik balabaqshasynda kúzetshi bolyp jumys istegen. Qazir polıııa departamenti bul aıtylǵandardy tergeýmen dáleldengenin jetkizdi. Jetinshi synyptaǵy jetkinshekke azǵyndyq jasaǵan kúdikti qamaýǵa alyndy. Sondaı-aq osy iske qatysy bar bilim bóliminiń qyzmetkerleriniń ústinen qylmystyq is qozǵalǵan”, – dedi Sarysý aýdany bilim bóliminiń basshysy Ilııas Baımaǵambetov.
“Tergeý barysynda jynystyq qatynas saldarynan 2022 jyly júkti bolǵany anyqtaldy. Alaıda júktilik deregi mektep basshylyǵymen jasyrylǵan, tıisti organdarǵa habarlaýsyz túsik jasalǵan. Aıyptalýshynyń kinási dáleldenip, qamaqqa alyndy. Is sotqa jiberildi. Mektep basshylyǵyna qatysty QK 434 baby “Qylmys týraly habarlamaý” týraly is tirkeldi”, – dep málimdedi Jambyl oblysy polıııa departamenti bastyǵynyń orynbasary Almaz Salamatov.
