Astanada júrip kele jatqan avtobýstan qulap ketken áıel aryz jazýdan bas tartty, dep habarlaıdy “Adyrna” ulttyq portaly QazTagqa silteme jasaı otyryp.
«QKJ tekserýi barysynda bul oqıǵa 25 qańtar kúni saǵat 09:00 shamasynda №20 baǵyttaǵy qoǵamdyq kólikte bolǵany anyqtaldy. Jábirlenýshi áıel adam polıııaǵa aryzdanǵan. Avtobýs júrgizýshisi qarjylaı kómek kórsetkennen keıin áıel onyń eshqandaı shaǵymy joq ekendigi týraly jazbasha qolhat berdi», - dep habarlady jeksenbi kúni QKJ.
Al kompanııa 25 qańtarda jolaýshynyń avtobýstan qulap, jaraqat alǵany týraly aqparat «Qalalyq kólik júıeleri» JShS ortalyq dıspetcherlik qyzmetine túspegenin aıtady.
Sonymen qatar QKJ osy oqıǵaǵa qatysty «№1 avtobýs parki» JShS komıssııasy jol qozǵalysy qaýipsizdigi boıynsha keńes ótkizip, júrgizýshige qatysty tártiptik sheshim shyǵarylǵanyn da málimdedi.
Eske sala keteıik, áleýmettik jelide jolaýshy áıeldiń júrip bara jatqan qoǵamdyq kólikten qulap ketkeni, avtobýstyń toqtamaı júrip bara jatqany beınelengen vıdeo taraǵan bolatyn. Keıinnen áıel adamnyń zardap shekpegeni anyqtalyp, al júrgizýshi jaýapkershilikke tartylǵany aıtyldy.
“Adyrna” ulttyq portaly
