Astanada jürıp kele jatqan avtobustan qūlap ketken äiel aryz jazudan bas tartty, dep habarlaidy “Adyrna” ūlttyq portaly QazTagqa sılteme jasai otyryp.
«QKJ tekseruı barysynda būl oqiǧa 25 qaŋtar künı saǧat 09:00 şamasynda №20 baǧyttaǧy qoǧamdyq kölıkte bolǧany anyqtaldy. Jäbırlenuşı äiel adam polisiiaǧa aryzdanǧan. Avtobus jürgızuşısı qarjylai kömek körsetkennen keiın äiel onyŋ eşqandai şaǧymy joq ekendıgı turaly jazbaşa qolhat berdı», - dep habarlady jeksenbı künı QKJ. Al kompaniia 25 qaŋtarda jolauşynyŋ avtobustan qūlap, jaraqat alǧany turaly aqparat «Qalalyq kölık jüielerı» JŞS ortalyq dispetcherlık qyzmetıne tüspegenın aitady. Sonymen qatar QKJ osy oqiǧaǧa qatysty «№1 avtobus parkı» JŞS komissiiasy jol qozǧalysy qauıpsızdıgı boiynşa keŋes ötkızıp, jürgızuşıge qatysty tärtıptık şeşım şyǧarylǧanyn da mälımdedı. Eske sala keteiık, äleumettık jelıde jolauşy äieldıŋ jürıp bara jatqan qoǧamdyq kölıkten qūlap ketkenı, avtobustyŋ toqtamai jürıp bara jatqany beinelengen video taraǧan bolatyn. Keiınnen äiel adamnyŋ zardap şekpegenı anyqtalyp, al jürgızuşı jauapkerşılıkke tartylǧany aityldy.“Adyrna” ūlttyq portaly
Ūqsas jaŋalyqtar
