Air Astana kompaniiasynyŋ bortserıkerı jalaqylarynyŋ azdyǧyn aityp narazylyq bıldırdı, dep habarlaidy "Adyrna" ūlttyq portaly Qaz365.kz-ke sıltep.
Äue kompaniia qyzmetkerlerı öz şaǧymdaryn 12 mausym künı eotinish portalyna jariialaǧan. Alaida olar jūmystan şyǧyp qaludan qorqady. Sebebı kompaniia talaby boiynşa ereuıl men narazylyqqa şyǧuǧa rūqsat joq. Al kompaniia basşysy şaǧymdy kımnıŋ joldaǧanyn ızdestırıp jatyr.
"Bızge ereuılge şyǧuǧa zaŋmen tyiym salynǧandyqtan öz mäselelermız jaily basqaşa aita almaimyz. Qatardaǧy bortserıktıŋ eŋbekaqysy 240 myŋnan 320 myŋ teŋgege deiın qūraidy. Būl rette QR Ūlttyq statistika biurosynyŋ derekterı boiynşa 2024 jyldyŋ bırınşı toqsanynda ortaşa ailyq atauly jalaqy 382 279 teŋgenı qūrady. Sonymen qatar, QR Eŋbek kodeksınıŋ 105-babynyŋ 1-tarmaǧyna säikes auyr jūmystarmen, ziiandy nemese qauıptı eŋbek jaǧdailary bar qyzmetkerlerge eŋbekaqy töleu joǧary mölşerde belgılenedı", - delıngen bortserıkterdıŋ habarlamasynda.
Qyzmetkerler äuekompaniia basşylyǧy men kadr saiasatyn da synǧa aldy.
"Bızde vise-prezidentter, menedjerler tym köp. Şeteldık basşylyq bar, olardyŋ jalaqysy qazaqstandaǧydai emes. Qazır kompaniianyŋ ştaty 5000-nan asady. Al bort qyzmekerlerı nebärı 25. Būl 1 ūşaqqa 200 adamdy qūraidy. Kompaniia özın eŋ jaqsy jūmys beruşı dep qarastyrǧanymen, qyzmetkerler mülde basqa pıkırde”, – dep qosty olar.
Al Air Astana kompaniiasy bortserıkter şaǧymyna bailanysty pıkır de bıldırdı.
“Aviakompaniiada bortserıktıŋ ai saiynǧy jalaqysy är ūşu saǧattarymen esepteledı. Sonymen qatar, olar ıssaparda bolǧan kezde täulıktık aqy men jol aqysy üşın qosymşa qarajat alady. Bortserıkterdıŋ jalaqysy jäne basqa da qosymşa tölemder jyl saiynǧy negızde qaita qaralady. Jalaqy aviakompaniiadaǧy jūmys ötılıne jäne käsıbi eŋbegıne bailanysty esepteledı", - delıngen aviakompaniianyŋ jauabynda.
Sondai-aq, kompaniianyŋ baspasöz qyzmetı joldaǧan habarlamada öz qyzmetkerlerınıŋ ıs-sapary kezınde 4-5 jūldyzdy qonaqüilerde tūruyn qamtamasyz etetının de qosa kettı.
“Ūşu qūramynyŋ eŋbek jäne demalys, sondai-aq zeinetke şyǧu jaǧdailary QR eŋbek zaŋnamasymen qataŋ rettelgen. Aviakompaniia basşylyǧy bortserıkterdıŋ ötınışterın nazarǧa alady jäne ekipajdar men basqa da qyzmetkerlerdıŋ eŋbek jäne demalys jaǧdailaryn odan ärı jaqsartu jönındegı jospardy äzırleidı", - delıngen vedomstvonyŋ jauabynda.
Ūqsas jaŋalyqtar
