Jas zertteýshi Saǵyn Jumadildaev AQSh-tyń Dallas qalasynda ótken Halyqaralyq ǵylymı-ınjenerlik kórmede (ISEF) Mu Alpha Theta akademııasynyń 2-dárejeli dıplomy men 1000 dollarlyq syılyǵyna ıe boldy. Onyń zertteý jumysy men baǵdarlamalaý daǵdylary qazylar alqasynyń nazaryn aýdardy jáne osy saladaǵy úlken jetistik retinde tanyldy, dep habarlaıdy “Adyrna” tilshisi.
Aıta keteıik, ISEF – álemdegi jas ónertapqyshtardyń ǵylymı zertteýleri men tehnıkalyq qurylǵylaryn usyný úshin jınalatyn jarys. Bul is-shara ınnovaııalyq ıdeıalar men sheshimderdi, sonyń ishinde, talantty jastardyń baǵdarlamalaý salasyndaǵy jetistikterin kórsetýge arnalǵan alań.
Qazaqstandyq Saǵyn Jumadildaev qazylar alqasy men kórmege kelýshilerdi óziniń jobalyq jumysymen tań qaldyrdy. Ol belgili ǵalym Mýrdyń aımaqty tromıno bloktarymen toltyrý jaıyndaǵy ádisi aımaqqa bir kletka qosylsa da, nemese bir kletka alynyp tastalsa da qoldanylatynyn matematıkalyq ádistermen dáleldedi.
Mu Alpha Theta akademııasynyń negizgi maqsaty – Ulttyq orta mektep jáne kolledj stýdentterine matematıkany qurmetmetteýge jáne matematıkany úırenýge kómektesý. Mu Alpha Theta syılyǵy orta mektep oqýshylaryna matematıkaǵa qatysty máseleleriniń jan-jaqty muqııat jáne shyǵarmashylyq zertteýleri úshin beriledi. Saǵyn jumysynyń ereksheligin kompıýter esepteýleriniń durys ekenin anyq matematıkalyq dáleldermen keltirdi. Ásirese baǵan sany tórt bolsa mektep baǵdarlamasyna negizdelgen ádemi de qarapaıym ádisi bar ekenin baıqatty.
Sonymen qatar Saǵyn Jumadildaevtyń jetistigi Qazaqstanda jáne basqa elderde ǵylym, tehnologııa, ınjenerııa jáne matematıka (STEM) salasynda bilim berýdi damytý men qoldaýdyń mańyzdylyǵyn kórsetedi. Búgingi tańda baǵdarlamalaý mamandary men ınjenerler qoǵamda mańyzdy ról atqarady.
