AQSh-tyń Alıaska shtatynda Bering Air áýe kompanııasyna tıesili jolaýshylar ushaǵy radardan joǵalyp, keıin apatqa ushyrady, dep habarlaıdy "Adyrna" ulttyq portaly TASS agenttigine siltep.
Apattan borttaǵy 10 adam qaza tapty.
Associated Press agenttiginiń habarlaýynsha, ushaq Ýnalaklıt qalasynan Nom qalasyna baǵyt alǵan. Bortta 9 jolaýshy men 1 ushqysh bolǵan. NBC News telearnasy ushaqtyń Nom qalasynan ońtústik-shyǵysqa qaraı 54,7 km jerde apatqa ushyraǵanyn habarlady.
Oqıǵanyń naqty sebepteri áli belgisiz. Qazirgi tańda AQSh-tyń Beregovaıa ohranasy apat ornynda izdestirý jumystaryn júrgizýde.
Bul – AQSh-ta sońǵy eki aptada bolǵan úshinshi iri áýe apaty.
Aıta keteıik, qańtar aıynyń sońynda Vashıngton mańyndaǵy Potomak ózenine jolaýshylar ushaǵy men tikushaq qulap, 67 adam qaza tapty. Aqpan aıynyń basynda Fıladelfııada medıınalyq evakýaııalyq ushaq apatqa ushyrap, 7 adam kóz jumdy.
Qazirgi tańda Alıaskadaǵy áýe apatynyń mán-jaıy anyqtalyp jatyr.
Keshe BAQ betinde ushaqtyń beısenbi kúni Arktıkalyq sheńberdiń ońtústigindegi Alıaskadaǵy Norton Saýnd arqyly ushyp bara jatqanda joǵalyp ketkeni týraly aqparat taraǵan bolatyn.
