Ázerbaıjan AZAL ushaǵynyń apatqa ushyraýyna baılanysty Reseıge qarsy halyqaralyq sotqa shaǵymdaný úshin daıyndyq jumystaryn júrgizip jatyr. Bul týraly Ázerbaıjan ARA aqparat agenttigi jarııalady, dep habarlaıdy “Adyrna” ulttyq portaly.
Agenttiktiń habarlamasynda aıtylǵandaı, Ázerbaıjan Reseıge qoıǵan talaptaryn jáne sharttaryn naqty anyqtap, olardy joǵary deńgeıde jarııalaǵan.
«Aldyn ala aıtylǵandaı, Ázerbaıjannyń qolynda ushaqty atyp túsirgen Panır-S zymyran júıesiniń bólshekteri bar. Dáleldemelik baza qalyptasyp, faktiler men aıǵaqtar jınaqtalýda, halyqaralyq sotqa shaǵym jasaýǵa daıyndyq júrip jatyr», – dep habarlaıdy APA.
Sondaı-aq, jarııalanymda «Reseımen dıalogqa ashyq esik bar ekendigi» atap ótilgen.
«Máskeý óz kinásin ashyq moıyndap, jaýapkershilikti óz moınyna alýy tıis. Áıtpegen jaǵdaıda Baký kelesi qadamdarǵa daıyn», – dep kórsetilgen habarlamada.
Eske salsaq, ótken seısenbide Qazaqstannyń Kólik mınıstrligi Aqtaý mańynda 25 jeltoqsanda qulaǵan AZAL ushaǵynyń apatqa ushyraý sebepteri boıynsha aldyn ala tergeý nátıjelerin jarııalaǵan bolatyn.
