Astanada üş jaŋa kassasiialyq sot paida bolady, dep habarlaidy “Adyrna” ūlttyq portaly.
«Memleket basşysy «Qazaqstan Respublikasynyŋ keibır konstitusiialyq zaŋdaryna özgerıster men tolyqtyrular engızu turaly» Qazaqstan Respublikasynyŋ Konstitusiialyq zaŋyna qol qoidy», - dep habarlaidy Aqordanyŋ baspasöz qyzmetı.
Tüzetulerge säikes, Astanada qylmystyq, azamattyq jäne äkımşılık ıster boiynşa üş kassasiialyq sot qūrylady.
Sondai-aq, Qasym-Jomart Toqaev bırneşe zaŋdarǧa qol qoidy.
“Memleket basşysy «Qazaqstan Respublikasynyŋ Äkımşılık qūqyq būzuşylyq turaly kodeksıne adam saudasyna, vandalizm körınısıne jäne bötennıŋ mülkın büldıruge qarsy ıs-qimyl mäselelerı boiynşa özgerıster men tolyqtyrular engızu turaly» Qazaqstan Respublikasynyŋ Zaŋyna qol qoidy” delıngen habarlamada.
Zaŋ Prezident Qasym-Jomart Toqaevtyŋ adam saudasyna qarsy ıs-qimyl şaralaryn küşeitu, sondai-aq vandalizm men qoǧamdyq tärtıptı būzǧany üşın jauapkerşılıktı qataŋdatu jönındegı tapsyrmasyn jüzege asyruǧa baǧyttalǧan.
Balalardy, äsırese, jaŋa tuǧan närestelerdı satu faktılerıne tosqauyl qoiu üşın Äkımşılık qūqyq būzuşylyq turaly kodeks jaŋa bappen tolyqtyryldy. Atalǧan norma jaŋa tuǧan balany tastap ketu, jetım balalar men ata-anasynyŋ qamqorlyǧynsyz qalǧan balalardyŋ kelıp tüsuı jäne jetkızıluı turaly faktılerdı habarlamaǧany üşın lauazymdy tūlǧalarǧa jauapkerşılık jükteidı (135-1).
Sonymen qatar osy Zaŋ arqyly ǧimarattardy, özge de qūrylystardy, tūrǧyn üi-jailardy, ortaq paidalanu oryndaryn, kölıktegı jäne özge de qoǧamdyq oryndardaǧy mülıktı büldıru siiaqty ūsaq būzaqylyqtar üşın jauapkerşılık küşeitıldı.
Sondai-aq mülıktı joiǧany nemese büldırgenı (vandalizm) üşın äkımşılık jaza qataŋdatyldy.
Zaŋnyŋ mätını baspasözde jariialanady.
Ūqsas jaŋalyqtar
