Astanada úsh jańa kassaııalyq sot paıda bolady, dep habarlaıdy “Adyrna” ulttyq portaly.
«Memleket basshysy «Qazaqstan Respýblıkasynyń keıbir konstıtýııalyq zańdaryna ózgerister men tolyqtyrýlar engizý týraly» Qazaqstan Respýblıkasynyń Konstıtýııalyq zańyna qol qoıdy», - dep habarlaıdy Aqordanyń baspasóz qyzmeti.
Túzetýlerge sáıkes, Astanada qylmystyq, azamattyq jáne ákimshilik ister boıynsha úsh kassaııalyq sot qurylady.
Sondaı-aq, Qasym-Jomart Toqaev birneshe zańdarǵa qol qoıdy.
“Memleket basshysy «Qazaqstan Respýblıkasynyń Ákimshilik quqyq buzýshylyq týraly kodeksine adam saýdasyna, vandalızm kórinisine jáne bótenniń múlkin búldirýge qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy” delingen habarlamada.
Zań Prezıdent Qasym-Jomart Toqaevtyń adam saýdasyna qarsy is-qımyl sharalaryn kúsheıtý, sondaı-aq vandalızm men qoǵamdyq tártipti buzǵany úshin jaýapkershilikti qatańdatý jónindegi tapsyrmasyn júzege asyrýǵa baǵyttalǵan.
Balalardy, ásirese, jańa týǵan nárestelerdi satý faktilerine tosqaýyl qoıý úshin Ákimshilik quqyq buzýshylyq týraly kodeks jańa bappen tolyqtyryldy. Atalǵan norma jańa týǵan balany tastap ketý, jetim balalar men ata-anasynyń qamqorlyǵynsyz qalǵan balalardyń kelip túsýi jáne jetkizilýi týraly faktilerdi habarlamaǵany úshin laýazymdy tulǵalarǵa jaýapkershilik júkteıdi (135-1).
Sonymen qatar osy Zań arqyly ǵımarattardy, ózge de qurylystardy, turǵyn úı-jaılardy, ortaq paıdalaný oryndaryn, kóliktegi jáne ózge de qoǵamdyq oryndardaǵy múlikti búldirý sııaqty usaq buzaqylyqtar úshin jaýapkershilik kúsheıtildi.
Sondaı-aq múlikti joıǵany nemese búldirgeni (vandalızm) úshin ákimshilik jaza qatańdatyldy.
Zańnyń mátini baspasózde jarııalanady.
