IIM Kóshi-qon qyzmeti komıteti Halyqty qujattandyrý basqarmasy memlekettik qujatty alý úshin baj salyǵyn tólemeıtin azamattar sanatyn aıtty, dep habarlaıdy "Adyrna" ulttyq portaly QazInformǵa siltep.
Salyq kodeksiniń 622-babyna sáıkes:
- UOS ardagerleri men olarǵa teńestirilgen tulǵalar
- Keńes odaǵynyń batyrlary
- Soıalıstik eńbek erleri
- Múgedektigi bar azamattar (barlyq top)
- Bala kezinen múgedek bolǵan azamattyń ata-anasynyń biri
- Qarttar men múgedekterge arnalǵan mekemelerde turatyn egde jastaǵy adamdar
- Jetim balalar jáne balalar úılerinde nemese ınternattarda turatyn ata-anasynyń qamqorlyǵynsyz qalǵan balalar
- «Batyr Ana», «Altyn alqa» jáne «Kúmis alqa» tósbelgileriniń ıeleri
- Chernobyl apatynyń saldarynan zardap shekken azamattarǵa tólqujat tegin beriledi.
"Ishki ister mınıstrliginiń 2020 jylǵy 30 naýryzda bekitilgen 267 buıryǵy bar. Sonda tolyǵymen jazylǵan. Múgedektigi bar bala bolsa, ol ózi turatyn óńirdegi Halyqqa qyzmet kórsetý ortalyǵyna barady. Tıisinshe balanyń týý týraly kýáligin ata-analarynyń bireýi kórsete otyryp, aryz jazady. Al Chernobyl apatynan zardap shekken, UOS qatysqan azamattar arnaıy kýálikterin kórsetip, tegin ala alady", - delingen materıalda.
Tólqujat ótinish qabyldanǵannan keıin 15 jumys kúni ishinde daıyn bolady. Alaıda mundaı azamattar qujatty jedel alǵysy kelse, aqy tóleýi kerek.
Ózge qazaqstandyqtar memlekettik tólqujatty alý úshin belgilengen baj salyǵyn tóleýi kerek. 2025 jylǵy AEK boıynsha 36 bettik tólqujat 31 456 teńge, 48 bet 47 184 teńge turady.
