Qazaqstanda endı "Altyn belgı" tösbelgısıne ümıtkerlerdıŋ emtihan jūmystaryn bılım basqarmalary janyndaǧy komissiialar qaraityn bolady, dep habarlaidy "Adyrna" ūlttyq portaly bılım jäne ǧylym ministrlıgınıŋ baspasöz qyzmetıne sılteme jasap.
Mektepter būrynǧydai oqu ozattarynyŋ tızımın özderı jasai almaidy. Komissiia emtihan jūmystaryn teksergennen keiın nätijelerın bılım beru ūiymdaryna jıberıp, mektep direktorynyŋ būiryǧymen tösbelgı iegerlerınıŋ tızımı bekıtıledı. 2020-2021 oqu jylynda "Altyn belgıge" 9 822 oqu ozaty ümıtker bolyp otyr.
"Būryn mektep pen bılım bölımderı ümıtkerlerdıŋ jūmysyn özderı tekserıp, "Altyn belgını" tapsyru turaly şeşım qabyldaityn. Al, qazır, keŋestık kezeŋdegıdei, emtihan jūmystaryn oblystyq nemese Respublikalyq maŋyzy bar qalanyŋ bılım basqarmasy janyndaǧy komissiia tekseredı. Komissiia qūramyna bılıktı, täjıribelı pän mūǧalımderı kıredı. Osydan keiın ǧana mektep üzdık oquşylardyŋ tızımın bekıtedı", - dedı QR BǦM mektepke deiıngı jäne orta bılım komitetınıŋ töraiymy Maira Meldebekova.Biyl 11 (12) synyp oquşylarynyŋ memlekettık bıtıru emtihandary 2021 jylǧy 1-10 mausym aralyǧynda ötedı. 12 mausymǧa deiın emtihan jūmystarynyŋ qorytyndysy şyǧarylyp, "Altyn belgı" iegerlerınıŋ tızımı bekıtıledı. 2020-2021 oqu jylynda 3,4 mln astam oquşy mektepterde bılım aldy. Olardyŋ 150 myŋǧa juyǧy 11 (12) synypty aiaqtaidy.
"Adyrna" ūlttyq portaly
Ūqsas jaŋalyqtar
