Brazılııanyń San-Paýlý qalasynda King Air F90 úlgisindegi eki qozǵaltqyshty jekemenshik ushaq jolǵa qulap, jolaýshylar avtobýsy men birneshe kólikke soqtyǵysty, dep habarlaıdy "Adyrna" ulttyq portaly CNN-ge siltep.
Qalalyq órt sóndirý qyzmetiniń habarlaýynsha, apat saldarynan eki adam qaza taýyp, taǵy ekeýi jaraqat alǵan.
Oqıǵa Avenıda Markes de San-Vısente tas jolynda oryn alǵan. G1 portalynyń málimetinshe, ushaq apatqa deıin shuǵyl qonýǵa árekettengen, alaıda basqarýdy joǵaltyp, jol ústine qulaǵan. Mınıstr Gýlerm Derrıttiń aıtýynsha, áýe kemesinde eki adam bolǵan.
Órt sóndirý qyzmeti apatty aýyzdyqtaýǵa on bir tehnıka men birneshe órt sóndirýshini jumyldyrdy. Qazirgi tańda oqıǵaǵa qatysty tergeý júrgizilýde.
