Qazaqstan Premer-Mınıstriniń orynbasary, úkimettik komıssııanyń tóraǵasy Qanat Bozymbaev Aqtaý mańyndaǵy áýe apatyn tergeý boıynsha Qazaqstanǵa syrttan qysym kórsetilip jatyr degen aqparatty joqqa shyǵardy, dep habarlaıdy "Adyrna" ulttyq portaly Tengrinews.kz-ke siltep.
«Bul – jalǵan aqparat. Eshqandaı el bul oqıǵanyń mán-jaıyn anyqtaý proesine aralasýǵa tyrysyp jatqan joq. Biz bul turǵyda eshqandaı másele kórip turǵan joqpyz», – dedi Bozymbaev.
Onyń aıtýynsha, Qazaqstan tergeýge múddeli elderdiń barlyǵyn qatystyrýdy qamtamasyz etken.
«Bul eń aldymen úsh el. Olar - Ázerbaıjan, Reseı Federaııasy jáne Brazılııa ( ushaqty óndirýshi el). Qazir 17 jumys istep jatyr. Qysym kórsetýdiń máni joq. Sonymen qatar, Qazaqstan 1992 jyldan bastap Chıkago konvenııasynyń múshesi bolyp tabylady. Konvenııaǵa sáıkes, kez kelgen avıaııalyq tergeý júrgizý sheshimin tergeý júrgizetin el qabyldaıdy. Iaǵnı, tek biz kimderdi tartý, kimmen jumys isteý jáne taǵy basqalaryn óz betimizshe sheshemiz. Bul qoǵamda eshqandaı suraq týyndamaýy úshin qajet», – dedi Premer-Mınıstrdiń orynbasary.
Sondaı-aq, Qanat Bozymbaev ushaq apatynda qaza tapqandardyń keıbiriniń denesi áli anyqtalmaǵanyn aıtty.
2024 jylǵy 25 jeltoqsanda Aqtaý mańynda Azerbaijan Airlines áýe kompanııasynyń Baký (Ázerbaıjan) – Groznyı (Reseı) baǵytynda AHY8243 reısimen ushyp bara jatqan jolaýshylar ushaǵy apatqa ushyraǵan bolatyn. Áýe reısi Astana ýaqytymen saǵat 08:49-da Baký áýejaıynan josparlanǵan ýaqyttan 11 mınýt erte ushyp shyqqan. Groznyıda qalyń tuman bolǵandyqtan, ushaq aldymen Mahachqalaǵa, keıin Aqtaýǵa baǵyttalǵan. Kaspıı teńizi ústinde ekıpaj «tótenshe jaǵdaı» sıgnalyn jiberip, shuǵyl qonýǵa suranys jasaǵan. Aqtaý áýejaıy ushaqty qabyldaýǵa daıyndalyp jatqanda, saǵat 11:30-da ushaq áýejaıdan 3 shaqyrym jerde qulady.
Resmı apat sebebi ázirge belgisiz. Ár túrli boljamdar aıtylýda. Qara jáshik sol kúni keshke tabyldy, endi mamandar onyń derekterin rasshıfrovka jasaıdy.
