Reseı olıgarhy Álisher Osmanovtyń isine baılanysty Germanııada, "Bavarııa" fýtbol klýbynda, tintý júrgizildi. Nátıjesinde Osmanov "salyqtan jaltarý" jáne "aqsha jymqyrý" baptary boıynsha jazyqty dep tanyldy. Olıgrahtyń baspasóz qyzmeti bul sheshimdi joqqa shyǵaryp, bul mıllıorderdi "saıası qýdalaý", "baryp turǵan jala" dep málimdedi, dep habarlaıdy "Adyrna" ulttyq portaly.
Bild basylymy habarlaǵandaı, Osmanov pen nemis fýtbolynyń top-menedjeri, "Bavarııa" klýbynyń burynǵy prezıdenti Ýlı Heness arasynda baılanys bar.
"Olar bir-birin tanıdy. Ekeýi kýrorttyq Tegernze qalasyna jıi barady" dep jazdy Bild.
Maındaǵy Frankfýrt qalasynyń prokýratýrasy "Bavarııa" klýbyna jáne onyń jaýapty adamdaryna qatysty eshqandaı tergeý isi júrgizilmegenin málimdedi. Bul málimetti fýtbol klýby da rastady.
Bild basylymynyń málimeti jóninde pikir bildirgen Álisher Osmanovtyń ókili tergeýge eshqandaı negiz joq ekenin aıtty.
"Azattyqtyń" jazýynsha, "Eýropa odaǵy 2022 jylǵy aqpannyń aıaǵynda "Ýkraınanyń egemendigi men aýmaqtyq tutastyǵyn buzýǵa atsalysqan" reseılik kásipkerlermen, sheneýniktermen jáne mádenıet qyzmetkerlerimen birge Osmanovty da qara tizimge engizgen.
Bıyl 29 sáýirde Osmanov Eýropa odaǵynyń sankııa tizimine engenine qarsylyq bildirip, Eýropa sotyna aryzdanǵan. Bild gazetiniń habarlaýynsha, sot onyń daýly aryzdy tezdetip qaraý týraly ótinishin qanaǵattandyrmady.
"Adyrna" ulttyq portaly
