Atyraýda Mamandandyrylǵan aýdanaralyq ekonomıkalyq soty áskerı qımyldardan zardap shekkenderge gýmanıtarlyq kómek kórsetý maqsatynda qurylǵan «Slava Ýkraıny» qaıyrymdylyq qorynyń tirkeýin joıý týraly sheshim shyǵardy, dep habarlaıdy «Adyrna» ulttyq portaly Adam quqyqtary men zańdylyqty saqtaý jónindegi Qazaqstan halyqaralyq bıýrosyna silteme jasaı otyryp.
Jeke qor Atyraý oblysynyń Ádilet departamentinde 10 tamyzda tirkelse, 25 tamyzda sol basqarma memlekettik tirkeýdi jaramsyz dep taný jáne uıymdy májbúrlep taratý týraly talap aryzben sotqa júgingen.
Taratý týraly sheshimniń ózi 2023 jyldyń 3 qarashasynan bastalǵan.
Talap qoıýshy talap aryzynda uıym Jarǵysynyń zań normalaryna sáıkes kelmeıtindigine dálelder keltirgen.
Bul qordyń basshysy Turarbek Qusaıynov demeýshilerdiń qoldaýymen Ýkraınada zardap shekkenderge bes mıllıon teńge kóleminde gýmanıtarlyq kómek jiberip úlgergen. Bul áreket soltústik kórshilerimizge onsha unamaǵan shyǵar, sondyqtan bizdiń memleket bul jobadan qutylý týraly buıryq alǵan, dep esepteıdi Qusaıynov.
Reseıdiń Ýkraınaǵa jasaǵan shabýylynan keıin Almatyda ýkraın halqyn qoldaýǵa arnalǵan kelisilgen sherý, sondaı-aq elde ondaǵan shaǵyn akııalar ótti. Alaıda sońǵy bir jylda Ýkraına halqymen yntymaqtasý akııalaryn ótkizýge qatysty barlyq habarlamalar qazaqstandyq sheneýnikterdiń qarsylyǵyna tap bolǵan.
«Adyrna» ulttyq portaly
