AQŞ prezidentı Tramp İranǧa qatysty jazba jariialady, dep habarlaidy "Adyrna" ūlttyq portaly.
Ol Truth Social äleumettık jelısındegı paraqşasynda İranǧa «öte quatty soqqy» jasaluy mümkın ekenın eskerttı.
Tramptyŋ aituynşa, qazırgı uaqytta «jeŋılısterge ūşyrap jatyr».
İran Taiau Şyǧystaǧy körşı memleketterınen keşırım sūrap, būdan bylai olarǧa oq atpaitynyn mälımdegen.
AQŞ prezidentınıŋ sözınşe, mūndai şeşım AQŞ pen İzrail tarapynan jasalyp jatqan üzdıksız şabuyldardyŋ saldarynan qabyldanǧan.
«Būl — myŋdaǧan jyl ışınde İrannyŋ Taiau Şyǧystaǧy körşı elderden alǧaş ret jeŋıluı. Olar: “Rahmet sızge, prezident Tramp” dedı. Men: “Oqasy joq!” dep jauap berdım», — dep jazdy AQŞ prezidentı.
Tramptyŋ pıkırınşe, İran endı «Taiau Şyǧystyŋ būzaqysy» emes, kerısınşe «jeŋılgen elıne» ainalǧan. Ol İran tolyq tıze bükkenge deiın nemese tolyq küireuge ūşyraǧanǧa deiın osyndai jaǧdaida qala beretının aitty.
«Bügın İranǧa öte quatty soqqy jasalady. İrannyŋ terıs äreketterıne bailanysty būǧan deiın nysana retınde qarastyrylmaǧan keibır aumaqtar men toptarǧa tolyq joiylu qaupı tönuı mümkın», — dep mälımdedı Tramp.
