100 degen azamatty jūmyspen qamtyp otyrǧan zauytty jauyp, būzyp ülgergen. Būl turaly “Qūrylys-kömek HHI” JŞS-nıŋ ökılderı habarlaidy.
Almaty oblysy Eŋbekşıqazaq audany Qainazar auylynda kırpış zauytynyŋ jūmysyn toqtatyp, bır bölıgın būzyp ülgergen. 20 jylǧa juyq toqtausyz jūmys ıstegen öndırıs orny memleket igılıgınde bolǧan. Alaida 2016 jyldan bastap Uäzımbai Janatnūr esımdı azamat zauytty jalǧa alyp, jūmysyn jandandyrǧan. 2006 jyldan berı osy jerde jūmys ıstegen azamat 20 jyl boiy qarajat jinap, 2 jyldan soŋ 2018 jyly zauytty tolyqtai satyp alǧan. Sol jyly barlyq qūjattardy dūrystap, zaŋ boiynşa jūmysyn jalǧastyrǧan basşy 1 jyldan soŋ bilık tarapynan qysym körsetıle bastaǧanyn aitady:
«Būl zauytqa bar mahabatymyzdy salyp kün-tün demei ter töktık! Bar maqsatymyz - naryqtaǧy baǧany tüsıru, arzandatu, sapany jaksartu, kırpış
defisittın tömendetu! (Būryn kırpış 40tg bolsa qazır 25 teŋge ge tüsırdık!) Elımızge, jerımızge bır öndırıs bolsyn jaŋartyp eŋbek sıŋıru bolatyn! Osy zauytty salu üşın bız üidegı nanymyzdyŋ bır bölıgın jesek, bır bölıgın osy zauyt üşın jinaǧan edık! Satyp alǧanda qūjattary dūrys bolǧan! Keiın jyl öte zauyt jaŋǧyrǧanda äkımşılıkten qysym tüse bastady! Sotta bärın jeŋdık. Alaida älı künge deiın şarasyzbyz»,-deidı.
Zauyt basşylyǧynyŋ sözınşe, “auyl tūrǧyndary qarsy” dep 5-6 adam jinalyp kelgen. Al sol topty bastap jürgen Berık esımdı azamat basşydan 10 mln teŋge aqşa talap etken körınedı.
9 balasy bar köpbalaly äke näpaqasyn osy zauyttan tauyp otyr. Sonymen qatar 100-ge juyq azamatty jūmyspen qamtuǧa mümkındık bolǧan.
Ökılder auyldaǧy 1000 otbasynan rūqsatty qaǧaz türınde alǧanyn aitady. Alaida jazylǧan aryz qaralmai, mäsele tüiını şeşılmei tūr. Al kırpıştı qoljetımdı baǧada öndırıp otyrǧan zauyt tolyq būzylǧan.
Ūqsas jaŋalyqtar
