Almaty qalasynda «Gazpromneft-Qazaqstan kompanııasy» JShS-ǵa standarttardy buzǵany úshin 3 145 600 teńge kóleminde aıyppul salyndy, dep habarlaıdy "Adyrna" ulttyq portaly.
Bul týraly QR Saýda jáne ıntegraııa mınıstrligine qarasty Tehnıkalyq retteý jáne metrologııa komıtetiniń qalalyq departamenti habarlady.
Komıtet mamandary jeke tulǵanyń shaǵymy negizinde jospardan tys tekserý júrgizgen. Tekserý barysynda «Ólshem birligin qamtamasyz etý týraly» jáne «Tehnıkalyq retteý týraly» zań talaptarynyń buzylǵany anyqtalǵan.
«Memlekettik metrologııalyq baqylaý kezinde AI-95-K4 markaly benzınin quıý barysynda ruqsat etilgen shekti mólsherden asatyn aýytqý anyqtaldy. №1 otyn taratý kolonkasynan (TRK) 20 lıtr janarmaı quıylǵan kezde 100 mılılıtr kóleminde jetispeýshilik bolǵan», – dep habarlady komıtet ókilderi.
Qazaqstan zańnamasyna sáıkes, janar-jaǵarmaı quıý beketterinde munaı ónimderiniń kólemin ólsheýdegi eń joǵary ruqsat etilgen qatelik ±4% bolýy tıis.
Zań buzýshylyq faktisi boıynsha «Gazpromneft-Qazaqstan kompanııasy» ákimshilik jaýapkershilikke tartylyp, 3 mıllıon teńgeden astam aıyppul salyndy.
