Túrkistan oblysynda avtogaz quıý beketinde jarylys bolyp, eki adam qaza tapty, taǵy úsheýi jaraqat aldy, dep habarlaıdy "Adyrna" ulttyq portaly.
Oblystyq TJD málimetinshe, oqıǵa 21 naýryz kúni oryn alǵan.
"21 naýryz kúni saǵat 16:30-da Túrkistan oblysy TJD kezekshi bólimine Shardara aýdany, Jaýshyqum aýylyndaǵy avtogaz quıý beketinde gaz baǵanynyń jarylǵany týraly habar tústi", – delingen habarlamada.
Oqıǵa ornyna jetken qutqarýshylar jarylystyń jeńil avtokóliktiń avtogaz quıý beketine soqtyǵysýynan keıin bolǵanyn anyqtaǵan.
Soqtyǵys saldarynan gaz ısternasy zaqymdalyp, gazdyń syrtqa shyǵýy men gaz-aýa qospasynyń tutanýy oryn alǵan. Órt jaqyn mańda turǵan kólikke de tarady. Keıinnen órt sóndirýshiler jalyndy tolyqtaı óshirgen.
"Oqıǵa saldarynan eki adam qaza taýyp, úsh adam kúıik jaraqatyn aldy", – dep habarlady vedomstvonyń baspasóz qyzmeti.
Dárigerler bastapqyda bir zardap shekken adamdy aýrýhanaǵa jatqyzdy, keıin taǵy eki adam óz erkimen medıınalyq kómekke júgingen.
