25-shi aqpanǵa qaraǵan kúni Jylyoı aýdany Qulsary qalasynyń Artyǵalıev kóshesinde turatyn kópbalaly otbasynyń shańyraǵynda jantúrshigerlik órt oryn aldy, dep habarlaıdy “Adyrna” ulttyq portaly.
Baspana kópbalaly otbasyǵa tıesili. Alty balasymen dalada qalǵan otbasyǵa jergilikti turǵyndar kómek kórsetýde. Qudaı qoldap órt bolǵan túni úıde eshkim bolmaǵan.
Bir kún buryn úıden gazdyń ıisi shyǵyp, tańerteń balalarynyń muryny qara kúıe bop oıanǵan. Seskengen ana balalaryn alyp, týysynyń úıine ketip qalǵan. Soraqysy, bir kún buryn 104 nómirine habarlasqan. Alaıda, eshkim kelip, kómek kórsetpegen.
Qyraýbaev Jeńis pen Býrasheva Ásemgúldiń alty balasy bar, kenjesi qyrqynan shyqpaǵan.
Úıdi Qyraýbaev Jeńistiń ákesine, Uly Otan soǵysynyń ardageri dep qurmettep Atyraý oblysynyń akımaty salyp bergen.
Adam shyǵyny bolmaǵanymen, aıaq astynan bolǵan apattyq jaǵdaıdyń kesirinen bul otbasy kázirgi tańda, qaqaǵan qysta baspanasyz qaldy.
Mán-jaı áli de anyqtalyp jatyr.
