Halyq úshin gazdyń qoljetimdiligi boıynsha elder reıtınginde Qazaqstan birinshi orynda, al Reseı ekinshi qatarda. Bul reıtıngti RIA Rating sarapshylary daıyndaǵan, dep habarlaıdy “Adyrna” ulttyq portaly.
«Halyqtyń gazben qamtylýy boıynsha birinshi oryndy Qazaqstan ıelendi. Onyń ortasha turǵyny ortasha aılyq jalaqysyna 8,6 myń tekshe metr gaz satyp ala alady. Mundaǵy jalaqy salystyrmaly túrde tómen, biraq gaz baǵasy reıtıngke qatysqan barlyq elderdiń ishindegi eń tómeni. Ekinshi oryndy 7,4 myń tekshe metrmen Reseı ıelendi”, delingen jazbada.
Úzdik bestikke Ulybrıtanııa, Lıýksembýrg jáne Avstrııa da kirdi. Bul elderdiń turǵyndary 3,9 myń tekshe metrden astam gaz satyp alý múmkindigine ıe.
Moldova turǵyndary gazdy eń az satyp ala alady: ortasha jalaqyǵa – 858 tekshe metr. Bul jetekshi Qazaqstanmen salystyrǵanda on ese az. Moldovadan bólek Bolgarııa, Grekııa, Rýmynııa jáne Bosnııa jáne Geregovına da aýtsaıderler qatarynda. Bul elderdiń turǵyndary aıyna 1,4 myń tekshe metrden az gaz satyp ala alady.
”Adyrna” ulttyq portaly
