Búgin Memleket basshysy Qasym-Jomart Toqaev Qaraǵandy oblysyna jumys saparymen bardy. Sapar barysynda Óndiristi jańǵyrtý úderisine, ekologııany qorǵaý isine erekshe nazar aýdarylatynyn aıtty, dep habardaıdy “Adyrna” ulttyq portaly.
«Memleket elimizde jumys isteıtin barlyq iri óndirýshi kompanııalardyń qyzmetin óte jiti baqylaıdy. Biz kapıtaldy shetelge zańsyz shyǵarýǵa jol bermeımiz. Olardyń túrli áleýmettik baǵdarlamalardy júzege asyrýyn qadaǵalap otyramyz.
Óndiristi jańǵyrtý úderisine, ekologııany qorǵaý isine erekshe nazar aýdarylady. Salyq tólemaqysy erekshe baqylaýda. Eger iri ónerkásip kásiporyndary bul talaptarǵa saı kelmese, biz seriktestikti toqtatýǵa májbúr bolamyz. Bul – eshqandaı qorqytý emes, kerisinshe búkil órkenıetti álemde qabyldanǵan qarapaıym, adal jáne ádil jumys erejeleri.
Qazaqstanda olıgarhtyq kapıtalızmniń zamany ótip, el azamattarynyń aldyndaǵy áleýmettik jaýapkershilikti sezinetin kezeń jetti. Azamattarymyzǵa tıimdi ári áleýmettik jaýapkershilikti sezinetin, el ekonomıkasynda jetekshi oryndaǵy bıznes kerek»,- dedi Prezıdent.
