Jezqazǵan qalasyndaǵy munaı bazalarynyń birinde jarylys bolyp, artynan iri órt oryn aldy, dep habarlaıdy "Adyrna" ulttyq portaly Tótenshe jaǵdaılar mınıstrliginiń baspasóz qyzmetine siltep.
Órt sóndirý bólimsheleri kelgenge deıin gaz-aýa qaspasy jarylyp, angar qabyrǵalary qıraǵan.
"Jezqazǵandaǵy munaı bazasynyń aýmaǵynda arnaıy maqsattaǵy úsh avtokólik órtke orandy. Órt sóndirýshiler kelgenge deıin gaz-aýa qospasynyń jarylysy bolyp, angardyń qabyrǵalary qırady.
Oqıǵa ornynda qurylǵan jedel shtab strategııalyq sheshim qabyldap, otyn saqtalǵan kórshiles rezervýardy sýytý arqyly ony qorǵaý úshin bir topty jiberdi. Órt sóndirýshiler avtoısternalardy órt shyqqan jerge jaqyn ornalasqan órt gıdranttaryna qoıyp, kóbik shabýylynyń kómegimen órtti sóndirdi", - delingen TJM habarlamasynda.
Órt 100 sharshy metr aýmaqqa taralǵan.
Órt saldarynan munaı bazasynyń tórt qyzmetkeri túrli jaraqat alyp, aýrýhanaǵa jatqyzyldy. Olardyń jaǵdaıy týraly aqparat jarııalanbady.
