Oralda dámhanalardyń birinde bolǵan jarylystan keıin jalǵa alýshy ustaldy, dep habarlaıdy "Adyrna" tilshisi.
BQO oblystyq prokýratýrasy Oraldaǵy jarylys bolǵan kafe jalǵa alýshysynyń ustalǵanyn habarlady.
4 qańtar kúni bolǵan qaıǵyly oqıǵadan úsh adam qaza tapqan.
Oblystyq Tótenshe jaǵdaılar departamenti “Rizyq”dámhanasynda bolǵan órt pen adamdardyń ólimine qatysty qylmystyq kodekstiń 292-baby "Órt qaýipsizdigi qaǵıdalaryn buzý" boıynsha sotqa deıingi tergeýdiń bastalǵanyn aıtty.
"Quqyqbuzýshylyqty jasaǵan kúdikti 6 qańtarda ustaldy. Ýaqytsha ustaý ızolıatoryna qamaldy. Vedomstvoaralyq tergeý-jedel toby qajetti saraptamalardy taǵaıyndady. Tergeý múddesi úshin basqa málimetter jarııalanbaıdy", - dedi departamenttiń baspasóz qyzmeti.
