Soltústik Qazaqstan oblysy Shal aqyn aýdanyna qarasty Stýpınka aýylynda jeke turǵyn úıden shyqqan órtten qaıǵyly jaǵdaı oryn aldy, dep habarlaıdy "Adyrna" ulttyq portaly.
Órtengen úıden tórt adamnyń máıiti tabyldy.
Tótenshe jaǵdaılar departamentiniń málimetinshe, órt týraly habarlama 23 qańtarǵa qaraǵan túni 112 pýltine túsken. Órtti sóndirý kezinde úıden tórt adamnyń denesi tabylǵan. Joǵalǵan bir otbasy múshesin izdeý jalǵasyp jatyr. Bul týraly oblystyq TJD baspasóz hatshysy Evgenıı Jýravlev málimdedi.
Aýyl ákiminiń aıtýynsha, bul úıde bes balasy bar jalǵyzbasty áke turǵan. Balalardyń anasy birneshe jyl buryn qaıtys bolǵan. Qaza tapqandardyń eń kenjesi 2-synyp oqýshysy bolǵany belgili boldy.
