Qasym-Jomart Toqaev pen Aleksandr Vuchich kelıssözderden keiın bırlesken brifing ötkızdı, dep habarlaidy "Adyrna" ūlttyq portaly.
Memleket basşysy Serbiia Prezidentınıŋ resmi sapary ekı el arasyndaǧy diplomatiialyq qatynastardyŋ 30 jyldyǧymen tūspa-tūs kelgenın atap öttı. Toqaev Serbiiany Qazaqstannyŋ Balqan tübegındegı maŋyzdy ärı senımdı serıktesı retınde baǧalap, ekıjaqty bailanystardyŋ barlyq baǧytta damyp kele jatqanyn aitty.
Prezidenttıŋ aituynşa, osy uaqyt ışınde elder arasynda senımdı saiasi dialog qalyptasyp, sauda-ekonomikalyq, investisiialyq jäne mädeni-gumanitarlyq yntymaqtastyq nyǧaiǧan. Qazaqstanda bügınde 60-qa juyq serb kompaniiasy tabysty jūmys ıstep jatyr.
Joǧary deŋgeidegı kelıssözder barysynda taraptar sauda, kölık-logistika, energetika, önerkäsıp, auyl şaruaşylyǧy, aqparattyq tehnologiialar jäne jasandy intellekt salalaryndaǧy yntymaqtastyqty keŋeituge uaǧdalasty. Sondai-aq investisiialyq jobalardy damytu jäne sauda kölemın arttyru mäselesıne erekşe nazar audaryldy.
Auyl şaruaşylyǧy salasynda da naqty qadamdar qarastyryldy. Serbiialyq kompaniianyŋ Qazaqstanda mūzdatylǧan önımder şyǧaratyn zauyt salu jospary ekı el arasyndaǧy agrarlyq serıktestıktı jaŋa deŋgeige köteruı mümkın.
Taraptar beibıt atom energetikasy, sifrlyq tehnologiialar men jasandy intellekt baǧytynda täjıribe almasuǧa daiyn ekenderın jetkızdı. Sonymen qatar mädeniet, bılım beru jäne turizm salalaryndaǧy bailanystardy nyǧaituǧa kelısım jasaldy.
Kelıssözder qorytyndysy boiynşa bırlesken mälımdeme qabyldanyp, bırqatar maŋyzdy qūjattarǧa qol qoiyldy.
Prezidentter halyqaralyq jäne öŋırlık mäselelerdı de talqylap, jahandyq tūraqsyzdyq jaǧdaiynda janjaldardy diplomatiialyq jolmen şeşudıŋ maŋyzyn atap öttı. Olar Bırıkken Ūlttar Ūiymy Jarǧysyn jäne halyqaralyq qūqyq normalaryn saqtau qajettıgın aitty.
Öz kezegınde Aleksandr Vuchich Qazaqstannyŋ ekonomikalyq damuyna jäne köpvektorly syrtqy saiasatyna joǧary baǧa berıp, ekı el arasyndaǧy yntymaqtastyqtyŋ äleuetı zor ekenın jetkızdı. Ol sondai-aq qauıpsızdık salasyndaǧy täjıribe almasuǧa qyzyǧuşylyq bıldırdı.
